Lesona 19

E Fesoasoani le Tama Faalelagi Ia i Tatou Pe a Tatou Tatalo

Faamoemoega

Ina ia fesoasoani i tamaiti ia latou iloa e mafai ona latou maua le fesoasoani mai le Tama Faalelagi pe a latou tatalo.

Sauniuniga

1. Suesue ma le agaga tatalo le 1 Nifae 18:5-23 ma le 3 Nifae 18:20.

2. O Mea e Manaomia:

   1. Laupapa, penisina, ma se solo.

   2. Ata 3-45, Ua Taunuu Liae ma Ona Tagata i le Laueleele Folafolaina (62045; Taga Ata o le Talalelei); ata 3-46, O le Tatalo a Iesu i Ketesemane (62175; Taga Ata o le Talalelei 227).

3. Ia faia ni sauniuniga e talafeagai ai mo so o se gaoioiga e faamauoa mai ai e te manao e faaaoga.

Faalautelega Fautuaina o le Lesona

Tofi se tamaititi e faia le tatalo amata.

Toe tulitatao atu i tamaiti pe afai na uunaiina i latou e faataunuuina se mea i le vaiaso talu ai.

Sa Tatalo Nifae ma Maua le Fesoasoani

Gaoioiga faatosina

Tusi le ata lenei i luga o le laupapa ao e talanoa atu i tamaiti:

mountain

Faamatala atu i tamaiti, o se tasi tama ma sona atalii ua faaipoipo sa nonofo i laua faafeagai i itu uma e lua o se mauga tele lava.

Gaoioiga faatosina

• E mafai faapefea e lenei tama ma lenei atalii ona fesootai e aunoa ma le taamilo i le isi itu o le mauga?

Tusi ni ata e pei o nei e faaali atu ai tali a tamaiti:

communication devices

Telefoni

Leitio

Lupe avefeau

Tusi

Gaoioiga faatosina

• Aisea e taua tele ai le fesootai o le tama ma lona atalii? (Ina ia aua nei tuua toatasi, e faaali atu ai le alofa, ia maua ma tuuina atu le fesoasoani, ia fetufaai manatu.)

• O le a se mea e mafai ona tupu pe afai e le fesootai i laua? ( O le a le maua se lagona vavalalata ma o le a faaitiitia lo la alofa. O le a le mafai ona la fesoasoaniai.)

Ia faamalamalama atu, e pei lava ona mafai ona tatou fesootai ma isi i lenei lalolagi pe a vavamamao, e faapena foi ona mafai ona tatou fesootai atu i lo tatou Tama Faalelagi.

Gaoioiga faatosina

• E faapefea ona tatou fesootai ma lo tatou Tama Faalelagi? (E ala atu i le tatalo.)

• Aisea e taua tele ai lo tatou fesootai atu i lo tatou Tama Faalelagi? (Ia faafetai atu ia te ia mo o tatou faamanuiaga, ia faaali atu lo tatou faatuatua ia te ia, tatou te ole atu ma mauaina lana fesoasoani ma faamanuiaga, ina ia faateleina lo tatou alofa mo ia.)

Ata, tala o tusi paia, ma le talanoaga

Faamanatu atu i tamaiti le lesona na latou aoaoina e uiga i le fauina e Nifae o se vaa. Fai atu i tamaiti e faalogo lelei ina ia latou iloa pe na faapefea ona fesoasoani le tatalo ia Nifae.

Ina ua uma le vaa a Nifae, sa faatonuina loa ia Liae le tama o Nifae, ina ia tuuina e lona aiga ni fatu laau, meaai, ma isi mea i luga o le vaa. Ona latou o atu loa lea i luga o le vaa ma sauni e folau atu i le nuu folafolaina.

Faaali atu le ata 3-45, Ua Taunuu Liae ma Ona Tagata i le Laueleele Folafolaina, ma faasino atu le Liahona o lo o i le lima o Liae.

Ia faamalamalama atu o le Liahona o se ituaiga tapasā. E tau mai ai po o fea le itu e faimalaga agai iai i le vao ma le itu e uli agai iai le vaa. Seiloga lava latou te amiotonu ona faatoa gaoioi lea o le Liahona.

Ina ua mavae aso e tele sa iai le aiga i le vasa, sa amata ona amio piopio uso o Nifae. Sa tautatala le mafaufau i laua i o latou matua ma isi tagata i luga o le vaa. Sa galo ia te i laua le tele o le fesoasoani a le Tama Faalelagi ma le faamanuiaina o i latou. Sa fefe Nifae ina nei toasa le Alii ona o lo laua amioleaga, o lea na ia tautala atu ai ia te i laua e tusa ma la laua amio. Sa feita Lamana ma Lemuelu. Sa le mananao i laua e tau atu e lo la uso laititi le mea e fai. Sa la saisai ia Nifae ma faaauau pea o laua auala sese.

O le taimi na saisaiina ai ia Nifae, na le toe gaoioi ai foi ma le Liahona. Sa le iloa e Lamana ma Lemuelu po o fea le itu e uli agai iai le vaa. Sa oo mai se afa tele lava. Sa felafoaiina le vaa i lea itu ma lea itu mo aso e tolu ma sa manatu tagata o le a latou malelemo. Ae sa le faasaolotoina ai lava e Lamana ma Lemuelu ia Nifae.

Sa faatetele le afa. Mulimuli ane ua iloa e Lamana ma Lemuelu ua pagatia i laua ona o lo la amioleaga. Na la iloaina o le a feoti i laua i le afa pe afai la te le salamo, o lea na la tatalaina ai loa Nifae.

E ui lava sa fulafula tapulima ma tapuvae o Nifae ma sa matuai tiga lava, ae lei faitio atu lava o ia i le Tama Faalelagi.

Ina ua uma ona tatalaina ia Nifae, sa lei pine ae toe gaoioi le Liahona, sa uliina atu e Nifae le vaa ma le saogalemu i le nuu folafolaina.

Sa tatalo atu Nifae i le Tama Faalelagi. Sa taofia le matagi malosi ma ua malū foi le sami.

Faatasi ai ma le afa ua alu ese ma le Liahona ua toe gaoioi, sa mafai loa e Nifae ona uliina atu le vaa i le nuu folafolaina.

Ata, tala o tusi paia, ma le talanoaga

• Aisea na le gaoioi ai le Liahona i le taimi na saisaia ai ia Nifae?

• O le a so outou manatu aisea na le faitio atu ai Nifae i le Tama Faalelagi ao saisaiina o ia?

• O le a se mea e mafai ona tatou aoaoina mai le faataitaiga a Nifae?

• O le a le mea na faia e Nifae ina ia faasaoina ai le vaa mai le goto i le afa?

• O le a le mea na faia e le Tama Faalelagi e fesoasoani atu ai ia Nifae?

E Fesoasoani le Tama Faalelagi ia i Tatou Pe a Tatou Tatalo

Ata ma le tala o tusitusiga paia

Faaali atu le ata 3-46, O Le Tatalo a Iesu i Ketesemane.

Ata ma le tala o tusitusiga paia

• O le a le mea a Iesu Keriso lea o lo o faia i le ata? (O lo o tatalo atu i le Tama Faalelagi.)

• Aisea na tatalo ai Iesu? (Na ia manaomia le fesoasoani a le Tama Faalelagi e taitaiina ai o ia.)

Ia faamalamalama atu ao iai Iesu i le lalolagi e masani lava ona ia tatalo atu i le Tama Faalelagi. E mafai foi ona tatou tatalo atu i le Tama Faalelagi pe a tatou manaomia se fesoasoani.

Tala

Faamatala atu le tala moni lava lenei o se teineititi o lē na tatalo atu mo manaoga o se tasi:

Ao moe Mele i se tasi po, sa faateia o ia i se leo. Ao ia faalogologo atu, na ia iloaina ai o lona tuagane e fa tausaga o lo o tagi ma oi i le tiga o lona manava. Sa mafai ona ia faalogoina le faamafanafana atu o lona tina ia te ia, ma taumafai e foia ona tiga; ae sa tagi pea lona tuagane. Sa taoto ai pea o ia iina ma lona alofa tele i lona tuagane. Na ia iloaina o lo o faia e lona tina mea uma na te mafaia mo ia, ae sa faalavelave atu pea ia te ia lona iloaina o lo o mai tigaina lona tuagane. Mulimuli ane, sa ia mafaufau e iai se mea e mafai ona ia faia.

Tala

• O le a so outou manatu o le a le mea na ia faia?

Sa seesee lemu ese o ia mai lona moega ma tootuli e tatalo. Sa ia ole atu i le Tama Faalelagi ina ia faamolemole faamalosi i lona tuagane laititi ina ia mafai ona toe moe o ia. I sina taimi puupuu lava, sa toe moe ai lona tuagane. O le taeao na sosoo ai sa fesili atu o ia i lona tina po o a mai o ia, ae sa ia tali mai faapea, “Ua manuia. Sa moe lelei o ia anapo ma e foliga mai ua manuia.”

Ia valaaulia tagata o le vasega e faamatala mai pe fetufaai mai se mea na latou tatalo atu ai po o se tasi o le aiga na tatalo atu mo se fesoasoani. Fai atu iai e faamamafa mai pe na faapefea ona tali mai le Tama Faalelagi i a latou talosaga.

Tala

Faamatala atu le tala lenei i se tasi na ole atu mo se fesoasoani, po o le faamatala atu foi o sa oe lava tala:

I se tasi taumafanafana na tuuina atu ai ia Semi se tamai mamoe. Sa ia faaigoaina ia Boots ma sa ia fafgaga ma tausi lelei iai ma le alofa. E masani lava ona taaalo Semi ma Boots i totonu o le pa e tuu ai solofanua a le tama o Semi. Sa taaalo la Semi ma Boots i totonu o le pa lenei i se tasi aoauli, ae valaau mai loa le tina o Semi ia te ia e alu atu mo le meaai o le aoauli. Sa tamoe atu loa i le atoa ia Semi i le faitotoa ma tapuni faavave mai i ona tua.

Ina ua uma le meaai, sa toe alu atu Semi e taaalo ma Boots. Ae ina ua ia taunuu atu i le faitotoa, na ia iloa ai o lo o matala. Ua leai se solofanua ma Boots. Sa vave tele ona tapuni e Semi le faitotoa ma o lea na le maua ai.

Sa le iloa e Semi po o fea e amata ona sue ai. Na ia manatua le faamatala atu e lona tama ia te ia o le taimi na se ai i tafatafa o auvaemauga. Sa tootuli ifo lona tama i ona tulivae ma ole atu i le Tama Faalelagi ina ia fesoasoani ia te ia. E lei pine ae maua o ia e se tasi o leoleo mamoe na agai atu i lo latou tolauapiga ma fesoasoani ia te ia ia toe foi atu i le fale.

Sa tootuli ifo Semi i lalo i le mutia, ma tatalo: “Le Tama Faalelagi e, ou te manaomia lau fesoasoani. Ua leiloa ia te au ia le solofanua a lou tama ma Boots talu ai ou te lei tapunia le faitotoa. Faamolemole fesoasoani mai ia te au i le sailia o i latou.

Sa vaaia e Semi ni tulagavae o manuvaefa. Sa amata ona ia mulimuli atu ai agai i luga o le mauga, ma piipii i laau nei pau. E lei umi ae ona faalogoina loa le tagi mai a Boots. Sa tau aeae atu Semi i luga o le mauga ma ia mauaina ai le tamai mamoe o lo o lavelavea mai i le togavao. O lo o tutu latalata ane foi ia le solofanua. Sa talatala e Semi le fue sa lavelavea i vae o Boots. Sa tau sulu i luma ia Boots ina ua faatu i lalo e Semi. Sa vaaia e Semi se tasi o vae o Boots ua gau.

Sa toe ole atu foi Jamie i le Tama Faalelagi e fesoasoani atu ia te ia. Sa faaaogaina e ia lona ofu e fai ai se taga e amo ifo ai ia Boots ma amata loa ona toe foi ifo i lalo mai le mauga. Sa mulimuli mai le solofanua ma tau faatonutonu lana alu ifo i lalo i le auala. Sa mamafa tele ia Boots ma sa tautevateva solo Semi ao la o ifo i lalo i le auala.

Ina ua taulalata atu le toatolu lenei i le fale, sa tamomoe mai i fafo matua o Semi e fesoasoani. Ao vaaia e le tama o Semi le tamai mamoe ua manua, sa ia faapea atu, “O le mea e lelei ai lou vave aumaia o ia iinei ao lei tele se toto e alu ese. Semanu e mate o ia i le mea ua tupu.

Sa fesili atu le tina o Semi, “Na faapefea ona e iloa le mea e maua iai i laua?”

“Sa ou faia foi le mea sa faia e Tama,” sa tali atu ai ia Semi.

“O le a lena mea atalii? sa fesili atu ai lona tama.

“Manatua ina ua e se? Na e tatalo atu i le Tama Faalelagi mo se fesoasoani, ma o le mea foi lena na ou faia. Sa ou tatalo, ma sa fesoasoani mai le Tama Faalelagi ia te au” (tagai i le “The Open Gate,” Friend, Apr. 1977, pp. 28-30).

Aotelega

Gaoioiga i le laupapa

Iloilo le lesona lenei e ala lea i lou fesiliina atu o fesili nei. A maea ona taliina e se tamaititi se fesili, ia fai atu iai e sau i luga i le laupapa. Lolomi le ata o lona lima ma tusi lona igoa i totonu o le ata.

Gaoioiga i le laupapa

• O fea na o iai Liae ma lona aiga? (I le laueleele folafolaina.)

• Pe sa gaoioi ea le Liahona i taimi uma? (Leai. Faatoa gaoioi pe a amiotonu tagata.)

• O le a le mea na faaali atu e le Liahona ia NIfae? (Po o fea le itu e uli agai iai le vaa.)

• O le a le mea na tupu ina ua uma ona saisai ia Nifae? (Sa agi se afa malosi. Sa le toe gaoioi le Liahona.)

• O le a le mea na tupu ina ua toe tatalaina ia Nifae? (Sa leai se afa. Sa toe gaoioi le Liahona.)

• Aisea na tatalo atu ai Nifae i le Tama Faalelagi mo se fesoasoani?

• O le a le mea e tatau ona tatou faia pe a tatou moomia le fesoasoani a le Tama Faalelagi? Tatalo ma le faatuatua o le a ia fesoasoani mai ia i tatou.)

Ia faaauau pea ona fesili atu fesili e uiga i tala o lo o i le lesona seia soo uma tamaiti ma o latou lima ua tusiaina. Faafetai atu i tamaiti mo o latou lima fesoasoani uma.

Molimau

Ia tuuina atu lau molimau i le alofa o le Tama Faalelagi mo oe ma lona naunau ina ia fesoasoani mai ia i tatou pe afai o le a tatou tatalo atu mo lana fesoasoani.

Tofi se tamaititi e faia le tatalo faaiu.

Gaoioiga e Faamauoa Mai Ai

Filifili mai gaoioiga nei ni gaoioiga o le a sili ona fetaui mo tamaiti. E mafai ona e faaaogaina i le lesona lava ia po o le avea ma se iloiloga po o se aotelega. Mo nisi taiala faaopoopo, tagai i “Taimi o le Vasega” i “Fesoasoani mo le Faiaoga.”

1. Aoao atu i tamaiti se tamai solo e uiga i le tatalo, ma faaali atu i au taga.

   Piilima o tatou lima, punonou o tatou ulu,

   Moeiini o tatou mata, ua tatou saunia nei.

   po o le

   E piilima o tatou lima ma punonou o tatou ulu

   Ma faalogo i le tatalo ma ona upu.

2. Tuu atu se penivali po o se penitala ma se kopi o le pepa lenei e tufaina atu i tamaiti. Fai atu i tamaiti e tusi o latou igoa i luga o pepa. Fai atu iai e valivali avanoa na o lo o iai fetu ma vaai po o le a le uiga o le lesona. A maea, ia fai faatasi e i latou uma le upu. Toe ao mai penitala ma pepa. Toe faafoi atu pepa a tamiti pe a uma le lesona.

prayer

NTRADTKAHLBO