Lesona 9
Faamanuiaga ma Sauniga o le Perisitua
Faamoemoega
Ina ia fesoasoani i tamaiti taitoatasi ina ia malamalama i le taua o faamanuiaga o le perisitua ma sauniga.
Sauniuniga
-
Suesue ma le agaga tatalo le Iakopo 5:14-15 ma le Mataupu Faavae ma Feagaiga e 42:44, 48-52. E ui ina e le o faaaogaina nei mau i le lesona, ae o le a mafai ona e maua ai se malamalama faaleagaga mo le aoaoina atu o lenei mataupu.
-
Ia saunia se peʻapeʻa pepa mo le faaaogaina i le gaoioiga e faatosina mai ai. O le faiga o se peʻapeʻa pepa, ia saunia se pepa faatafafa e pei ona faaalia atu i lalo. ʻOtiʻoti i luga o laina motumotu, ona gagau atu lea o le pito e tasi i le ogatotonu, misi le isi ae gagau atu le isi seia uma. Ona tuu lea o se pine i le ogatotonu, ona faapipii lea o le pine i se penitala po o se fasilaau.
Atapaper windmill -
Ia saunia e fesoasoani i tamaiti i le usuina po o le faia o upu o le pese “Ua Toefuataiina le Perisitua” (Tusi Pese a Tamaiti, itulau 89); o lo o maua upu i le pito i tua o le tusi lesona lenei.
-
Afai e te mafaia, ia saunia se kopi o le tusi lenei mo tamaiti uma e ave i o latou aiga. tuu atu i tamaiti uma po o lou fesoasoani atu iai i le faatumuina o avanoa e talafeagai ai mo lena tamaititi (e pei o le “Tina ma le Tama”). Ia nofouta mo tamaiti na e leai ni matua i le fale.
Le pele ,
Pe ua iai ea soʻu faamanuiaga o le perisitua? Faamolemole faamatala mai ia te au.
Alofa,
-
O Mea e Manaomia:
-
Se fagu suauu paia.
-
Penivali po o ni penitala mo tamaiti e saini ai a latou tusi.
-
Ata 3-11, Ioane le Papatiso o Lo o Tuuina Atu le Perisitua Arona (62013; Taga Ata o le Talalelei 407); ata 3-12, Toefuataiina o le Perisitua Mekisateko (62371; Taga Ata o le Talalelei 408); ata 3-20, Tama o Lo o Sauni e Faamanuia Sona Alo Mai; ata 3-21, Tama o Lo o Faamanuiaina Lana Pepe.
-
-
Ia faia ni sauniuniga e talafeagai ai mo so o se gaoioiga e faamauoa mai ai e te manao e faaaoga.
Faalautelega Fautuaina o le Lesona
Tofi se tamaititi e faia le tatalo amata.
Toe tulitatao atu i tamaiti pe afai na uunaiina i latou e faataunuuina se mea i le vaiaso talu ai.
Ua Toefuataiina Mai Sauniga o le Perisitua
Gaoioiga faatosina
Faaali atu i tamaiti le peʻapeʻa pepa na e faia (atonu e te faia le peʻapeʻa i le vasega e faaali atu i ai le faiga pe afai e te lagona e talafeagai mo lau vasega). Fai atu i tamaiti o le vasega e auauai mai i luma ma feula le peʻapeʻa.
Gaoioiga faatosina
-
O le a le mea na mafai ai e le peʻapeʻa ona taavili? (O le malosi o le savili.)
-
O le a se mea o le a tupu pe afai e leai se savili?
Ia faamatala atu o le savili e mafai ona avea ma se malosiaga uiga ese. E mafai ona ia aveina aʻe le vai mai lalo o le eleele, po o le tuuina atu foi o le malosiaga i ni masini tetele. Tau atu i tamaiti o le a latou aoaoina i le asō se malosiaga e sili atu nai lo le savili. Faamanatu ia i latou le latou lesona talu ai i le toefuataiina mai o le ekalesia moni a Iesu Keriso (tagai i le lesona 6). O se mafuaaga faapitoa o le toefuataiina mai o le talalelei o le toefuataiina mai lea o le perisitua i le lalolagi.
Gaoioiga faatosina
-
Aisea e taua tele ai le perisitua? (Fesoasoani i tamaiti ina ia malamalama o le mana lea e galue ai mo le Tama Faalelagi ma Iesu Keriso.)
-
O le a lona uiga o le galue mo le Tama Faalelagi ma Iesu? (O le faia lea o mea la te faia.)
-
O a ni mea lelei na faia e Iesu Keriso i le lalolagi? (Na papatisoina o ia, faamalolo mai, faapupula tauaso, faamanuia tamaiti, saunia le faamanatuga mo le uluai taimi, ma isi mea e tele.)
-
Pe mafai ea ona faia nei mea i nei aso? (Ioe, e mafai ona faia ma o lo o faia foi i aso nei. Fesoasoani i tamaiti ina ia latou malamalama o mea faapea e mafai ona faia na o le faaaogaina sao lava o le perisitua ma lo tatou lava faatuatua.)
-
O le a la le perisitua? O le a se mea e mafai ona faia e se tasi o lo o faamamaluina ma le amiotonu lona perisitua? (Ia faamatala atu i tamaiti e manaomia lo tatou mauaina o ni sauniga ina ia tatou toe foi atu ai i le Tama oi le Lagi. O nei sauniga e na o le pule lava ma le mana o le perisitua e mafai ona faataunuuina ai.)
-
O a nisi o sauniga a le perisitua? (O le faamanatuga, papatisoga, faamauga, faauuga i le perisitua, faamauga i le malumalu, ma isi. Afai e talafeagai, ia faia ni faamatalaga taufaaataata e pei o le, “O le a se mea e mafai ona tupu pe a valu outou tausaga?”)
O isi sauniga e tuuina mai ai faamanuiaga ia te i tatou ina ia fesoasoani ia i tatou i lenei olaga.
-
O a faamanuiaga e mafai ona tatou mauaina mai ia te i latou o lo o umiaina le perisitua? (O tali atonu e aofia ai le faauuga o e mamai, faamanuiaga faaletamā, ma le faaigoaina ma le faamanuiaina o pepe. Atonu e te manao e saunia ni faamatalaga taufaaataata.)
Ia faamalamalama atu o nei sauniga ma faamanuiaga e mafai ona avanoa mo i tatou e ala lea i lo tatou faatuatua, tatalo, ma le pule sao o le perisitua.
Ata
Faaali atu le ata 3-11, Ioane le Papatiso o Lo o Tuuina Atu le Perisitua Arona, ma le ata 3-12, Toefuataiina o le Perisitua Mekisateko. Ia faaali atu lou faafetai i le Tama Faalelagi ma Iesu Keriso mo le faatagaina o nei faamanuiaga ina ia toefuataiina mai e ala mai lea i le Perofeta o Iosefa Samita. Tau atu i tamaiti o le a tele nisi a latou lesona e uiga i le papatisoga, faamauga, o le faamanatuga, ma malumalu i le tausaga lenei. Ia faamautinoa atu i tamaiti le fuafuaina lelei e le Tama Faalelagi ina ia latou faatasi ma se aiga e alolofa e faavavau, ma e ala atu i nei sauniga, e mafai ai ona latou toe foi atu ia te ia.
E Mafai e le Perisitua Ona Faamanuiaina Tagata Uma
Talanoaga
Talanoaga
-
Pe ua tuuina ea e lou tama po o se isi tagata na te umia le perisitua ona lima i luga o lou ulu ma tuuina atu se faamanuiaga ia te oe? (Ia uunaia tamaiti ina ia latou fetufaai mai ni mea na oo ia i latou. Saili po o ai na tuuina atu le faamanuiga ia i latou ae po o le a foi le faamanuiaga.)
Ia talanoaina ma tamaiti vaega nei e uiga i faamanuiaga:
Talanoaga
-
O se faamanuiaga na tuuina atu e se tagata e umiaina le Perisitua Mekisateko. O se tagata e umiaina le perisitua ua iai le mana e galue ai mo Iesu Keriso. O lenei tagata e mafai o lou tama, lou uso po o le tuagane, lou tama matua, le epikopo po o le peresitene o le paranesi, o faifeautalai, o faiaoga o aiga, po o so o se isi lava tagata agavaa o lo o umiaina le Perisitua Mekisateko.
-
O faamanuiaga uma lava e tuuina mai e le pule o le perisitua e fesoasoani ia i tatou.
-
E eseese ituaiga faamanuiaga.
Tau atu i tamaiti o le isi mea o le a sosoo ai o le a latou aoao e uiga i faamanuiaga faapitoa e lua a le perisitua.
O ē Umia le Perisitua e Mafai Ona Latou Faamanuia ma Faaigoa ia Pepe
Ata
Faaali le ata 3-21, Tama o Lo o Faamanuiaina Lana Pepe.
Ata
-
O le a se mea o lo o tupu i lenei ata? (O se pepe o lo o faamanuiaina ma tuuina atu iai se igoa.)
Fai atu i tamaiti e mafaufau po o le a le taimi mulimuli na latou vaai ai i se pepe o faamanuiaina.
-
O a ni lagona na oo ia te oe ao faamanuiaina le pepe? (Ia uunaia tamaiti e fetufaai mai o latou lagona ma ni mea na oo ia i latou.)
O ē Umia le Perisitua e Mafai Ona Latou Faamanuia ē Mamai
Mataupu o le faatuatua
Tau atu i tamaiti, i le avea ai o i tatou ma tagata o le Ekalesia a Iesu Keriso o le Au Paia o Aso e Gata Ai, tatou te talitonu i le isi ituaiga o faamanuiaga e taua o le faauuina o ē mamai. Faamalamalama o le fa’auuina o le tuuina atu lea o se faamanuiaga. Faitau leotele le mataupu e fitu o le faatuatua ma fesoasoani i tamaiti ina ia latou taulotoina ia fuaitau, “Matou te talitonu i le meaalofa foaifua o le faamaloloina o mai.” Faamanatu i tamaiti e mafai ona iai le faamalologa pe a uma ona tuuina atu se faamanuiaga faapena pe afai foi o le finagalo lea o le Tama Faalelagi.
Ata
Faaali atu le ata 3-20, Tama o Lo o Sauni e Faamanuia Sona Alo Mai. Faamatala atu so o se taimi lava e mai ai se tasi, e mafai e i latou o lo o umia le perisitua ona tuuina atu ia te ia se faamanuiaga faapitoa. O se mea lelei tele le fesili atu mo se faamanuiaga pe a tatou mamai. Ia faamalamalama atu vaega nei e uiga i faamanuiaga mo ā mamai:
Ata
-
Afai ua e mai ma ua manaomia se faamanuiaga, e mafai ona e tauina atu i ou matua. Afai o lo o umia e lou tama le Perisitua Mekisateko atonu o le a ia fesili atu i se tasi tagata agavaa o lo o umia foi le Perisitua Mekisateko i le Ekalesia ina ia fesoasoani atu ia te ia i le tuuina atu o se faamanuiaga ia te oe. Afai e le o umiaina e lou tama le Perisitua Mekisateko, e mafai ona e talosaga atu i o outou faiaoga o aiga, tama matua, uso o le tama po o le tuagane o le tina, epikopo po o le peresitene o le paranesi, po o faifeautalai mo se faamanuiaga.
-
O i latou o e faauuina e mamai, po o le tuuina atu o se faamanuiaga, latou te faaaogaina suauu olive mama ua uma ona faapaiaina (ua tuuina atu iai se faamanuiaga faapitoa) e ni tagata se toalua o le Perisitua Mekisateko. Faaali atu i tamaiti le fagu suauu paia.
-
E lua vaega o le faauuina o se mai: Muamua, o se tasi e umia le perisitua na te faatulutulu sina vaega o le suauu i le tumuai o le ulu o le tagata mai ma fai sina tatalo puupuu. Lona lua, o perisitua uma e toalua la te tuu o la lima i luga o le ulu o le tagata mai ma faaamauina e se tasi o i laua le faauuga e ala lea i lona faia o se tatalo faapitoa, ma tuuina atu ai ma se faamanuiaga e musuia ai e le Tama Faalelagi.
Ia faamalamalama atu i tamaiti, afai tatou te faatuatua ma mauaina se faamanuiaga faaleperisitua, o le a faamanuiaina i tatou e le Tama Faalelagi e tusa ai ma lona finagalo. O le a na ia faia pea mea silisili mo o tatou olaga.
Manatu o le faiaoga
Fetufaai atu se mea na oo ia te oe pe na e iloa e uiga i se tagata mai na faamaloloina ina ua mavae ona ia mauaina se faamanuiaga. Tau atu i tamaiti lou agaga faafetai mo le perisitua ma le meaalofa o le faamaloloina o mai.
Faamanuiaga a le Tama
Tala
Tau atu i tamaiti le isi ituaiga faamanuiaga faapitoa a le perisiuta e ala lea i lou faamatalaina atu iai o le tala lenei (i le faamatalaina o le tala ma le talanoaina o le mataupu o lo o aafia ai, ia nofouta mo tamaiti na e leai ni o latou tama e mafai ai ona tuuina atu ni o latou faamanuiaga o le perisitua):
Na popole Melisa e uiga i le amataina o le aoga, e ui lava sa nofo sauni iai mo se taimi umi. E lei alu lava Melisa i se aoga muamua, ma na te leiloa foi pe faapeī. Na te le iloa lona faiaoga, ma na te le iloa foi po o ai isi tamaiti o le a iai.
I le po ao lumanai le aso e ae ai le aoga, sa tuu ese i fafo e Melisa ona ofu o le a ofu ma saunia loa e moe. E lei umi ae sau i fafo i le potu malolo, ma milimili lona manava. Sa ia faapea mai, “e le o lelei lau faalogo. Pei lava ua ou mai.” Sa fai atu matua o Melisa la te mananao e fesoasoani atu ia te ia ina ia toe lelei. Sa fusi mai o ia e lona tina. Na ta’u atu e lona tama ia te ia na te iloa ua popole o ia e tusa ai ma lona alu atu i le aoga.
Na ia ta’u atu iai e iai se mea faapitoa lava e mafai ona ia tuuina atu ia te ia o le a fesoasoani ia te ia ina ia ona mauaina se taimi fiafia i le aoga. Na ia faamatala atu iai e mafai ona ia tuuina atu se faamanuiaga faapitoa faaletama e ala lea i le mana o le perisitua.
Sa fai atu Melisa e manao e tuuina atu e lona tama se faamanuiaga faaletama. O lea na tuu atu ai lima o le tama o Melisa i luga o lona ulu ma tuuina atu ia te ia se faamanuiaga. Na ia faamanuia o ia ina ia ona maua ni uo fou ma maua e ia se faiaoga agaalofa o lē o le a alofa ia te ia ma fesoasoani ia te ia ina ia aoao.
Ina ua uma le faamanuiaga, sa fusi e Melisa lona tama ma faafetai atu ia te ia mo le tuuina atu o se faamanuiaga faaletama. Sa ia faapea atu ua lelei lana faalogo.
Tala
-
O a ni faafitauli na e manaomia ai se fesoasoani?
-
E iai se tasi o outou e mafai ona faamatala mai le taimi na e mauaina ai se faamanuiaga faaletama?
Ia uunaia tamaiti ina ia fesili atu i o latou tama mo se faamanuiaga faaletama i so o se taimi lava latou te manaomia ai. Ia faamalamalama atu afai e le o umia e o latou tama le perisitua, so o se tasi lava o lo o umia le Perisitua Mekisateko e agavaa, e pei o faiaoga o aiga, o le epikopo po o le peresitene o le paranesi, o faifeautalai, po o isi tagata o aiga e pei o uso o tama po o tuagane o tina po o tama matutua o e umia le perisitua e mafai ona latou tuuina atu se faamanuiaga faapitoa mo outou pe a outou manaomia. (Ia nofouta lelei mo tamaiti na e malaga mai aiga e le faatagaina ai se perisitua.)
Pese
Usu pe faitau upu o le pese “Ua Toefuataiina le Perisitua.”
Aotelega
Tusi
Tufatufa atu tusi na e sauniaina. Tau atu i tamaiti mea o lo o tau mai i tusi. Fesoasoani i tamaiti taitoatasi ina ia faatuatusiina lelei ma saini ai o latou igoa i le faaiuga o le tusi. Ia uunai tamaiti e talanoa i o latou matua e uiga i faamanuiaga o le perisitua na latou maua ma faamanuiaga na latou aoaoina i le Peraimeri.
Molimau a le faiaoga
Ia tuuina atu lau molimau i tamaiti, o le perisitua ma lona mana ua toefuataiina mai le lalolagi ma o se meaalofa faapitoa mai le Tama Faalelagi ina ia faamanuiaina ai o tatou olaga. O le pule ma le mana o le perisitua e mafai ai ona tatou mauaina sauniga ma faamanuiaga e talafeagai ai ina ia tatou faatasi ma le Tama Faalelagi ma ia tatou ola ai i ni olaga lelei i lenei lalolagi.
Tofi se tamaititi e faia le tatalo faaiu ma ia faafetai atu ai i le Tama Faalelagi mo faamanuiaga faapitoa o le perisitua.
Gaoioiga e Faamauoa Mai Ai
Filifili mai gaoioiga nei ni gaoioiga o le a sili ona fetaui mo tamaiti. E mafai ona e faaaogaina i le lesona lava ia po o le avea ma se iloiloga po o se aotelega. Mo nisi taiala faaopoopo, tagai i “Taimi o le Vasega” i “Fesoasoaniga mo le Faiaoga.”
-
Ia tuu atu i tamaiti e tusi faataamilo se ata o o latou lima i luga o se pepa i le faaaogaina o se penivali. Faamanatu atu ia i latou, pe a tatou mamai, e mafai ona faaee atu lima agaalofa o se tasi o lo o umia le perisitua i luga o o tatou ulu ma tuuina mai ia i tatou se faamanuiaga. O a nisi taimi e tuu mai ai lima i luga o o tatou ulu? (O tamaiti matutua e mafai ona latou tusia i tamatamailima taitasi na tusia se tali e pei o le faamauga, faauuga o le perisitua, ma se faamanauiaga faaletamā. Mo tamaiti laiti, ia talatalanoa e uiga i nei faamanuiaga.)
-
Ia faafesootai se tama e malaga ma sana pepe fou i le vasega ina ia talanoa atu i tamaiti. Ia tuuina atu i le tama e faamatala atu e uiga i le faamanuiaga o le pepe; ona fesili atu lea o fesili nei:
-
Pe sa faaaogaina ea le igoa atoa o le pepe i le faamanuiaga? O le a?
-
O ai na faamanuiaina le pepe, ae o le a foi le pule o lo o ia umiaina?
-
O ai na fesoasoani i le faamanuiaga, ae na faapefea foi ona latou fesoasoani?
-
Aisea ua avea ai lenei aso ma aso faapitoa mo le pepe?
-
O a faamanuiaga faapitoa na mauaina e le pepe? (Talanoaina le vaega lenei pe a talafeagai ai.)
-
-
Fai ma ʻotiʻoti ni ata faigofie, e pei o na o lo o i le isi itulau, e avea ma tali i tala taumate nei. Tufa atu ata na e saunia. Ia uuina e tamaiti taitoatasi lana ia lava ata i luga ma tau mai lona uiga.
Ia faamatala atu o le a e faitauina nei ni tala taumate, ma fuafua e tamaiti po o le fea ata e taliina le tala taumate. Ia tuu atu i le tamaititi o lo o uuina le tali o le tala taumate na te tuuina i tafatafa tonu o le ata o le faamanuiaga e talafeagai ai. (O nisi ata e mafai ona sili atu ma le tasi le faamanuiaga.)
-
E faaaogaina au pe a tuuina atu se faamanuiaga i se tasi e mai. E tuuina e le ua umia le perisitua si tamai vaega lava o au i luga o le ulu o le tagata mai. O ai au? (Suauu paia.)
-
E le mafai ona ou savali. E le mafai ona ou tautala. O au ou te laititi. E manaomia ona tuuina mai sou igoa ma se faamanuiaga. O ai au? (O se pepe.)
-
Ou te manaomia se faamanuiaga faapitoa. Ua maualuga lou fiva. Na ou fai i lou tama e tuuina mai se faamanuiaga ina ia fesoasoani ia te au ia lelei ai lau faalogo. O ai au? (Tamaititi mai.)
-
Ua tuuina mai ai te au se mana faapitoa e taua o le perisitua. E iai lau fanau. E mafai ona ou tuuina atu i lau fanau se faamanuiaga faletama. O ai au? (O se tama.)
-
Pe a talosaga atu se tagata mai mo se faamanuiaga, e iai se numera o alii o lo o umia le Perisitua Mekisateko e valaauina e tuuina atu se faamanuiaga. O au le fuainumera lena. O ai au? (Numera 2.)
-
A faamanuiaina e alii o lo o umiaina le perisitua se pepe, faamanuia se mai, po o le tuuina atu o se faamanuiaga faaletama, latou te faaaogaina au. Latou te tuuina au i luga o le ulu o se tagata mai po o le faaaoga foi o au e uuina ai se pepe. O ai au? (Lima.)
-