፩ በሰዎች ልጆች መካከል ታላቅ እና ድንቅ ስራ ሊመጣ ነው።

፪ እነሆ፣ እኔ እግዚአብሔር ነኝ፤ ፈጣን እና ሀያል፣ ሁለት አንደበት ካለው ሰይፍ ይልቅ የተሳለ፣ መገጣጠሚያን እና መቅኔን የሚለየውን ቃሌን አድምጥ፤ ስለዚህ ቃላቴን እድምጥ።

፫ እነሆ፣ የእርሻው ስፍራ ነጭ ሆኖ አዝመራው ዝግጁ ነው፣ ስለዚህ፣ ለነፍሱ ዘለአለማዊ ደህንነትን በእግዚአብሔር መንግስት ያከማች ዘንድ መሰብሰብ የሚሻ በኃይሉ ይጨድ፣ እናም ቀን ሆኑም እያለ ይሰብስብ።

፬ አዎን፣ ማንም የሚያጭድ እናም የሚሰበስብ፣ እርሱ በእግዚአብሔር የተጠራ ነው።

፭ ስለዚህ፣ ብትጠይቀኝ ትቀበላለህ፣ ብታንኳኳም ይከፈትልሀል።

፮ ፅዮንን ወደፊት ለማምጣት እና ለመመስረት ፈልግ። በነገሮች ሁሉ ትእዛዛቴን ጠብቅ።

፯ እናም፣ ትእዛዛቴን ብትጠብቅ እናም እስከመጨረሻው ብትጸና ከእግዚአብሔር ስጦታዎች ሁሉ ታላቅ ስጦታ የሆነውን ዘለአለማዊ ህይወት ይኖርሀል።

፰ እናም እንዲህም ይሆናል፣ ለዚህ ትውልድ ንስሀ ታውጅ ዘንድ እናም ስለምትሰማው እና ስለምታየው ምስክር ሆነህ ትቆም ዘንድ፣ ቃልን የሚሰጥህን መንፈስ ቅዱስን ለመቀበል በማመን በእምነት በስሜ አባቴን ትጠይቃለህ።

፱ እነሆ፣ ሰማያት እና ምድርን፣ ጨለማም ሊጋርደው የማይችል ብርሀንን የፈጠርኩ እኔ የህያው እግዚአብሔር ልጅ ኢየሱስ ክርስቶስ ነኝ።

፲ ስለዚህ፣ የወንጌሌን ሙላት ከአህዛብ ወደ እስራኤል ቤት ላመጣ ይገባኛል።

፲፩ እናም እነሆ፣ አንተ ዴቪድ ነህ፣ አንተም ለመርዳት ተጠርተሀል እናም ይህንንም ብታደርግ እና እምነትም ቢኖርህ በጊዜአዊ እና በመንፈሳዊ በረከቶች ትባረካለህ እናም ደመወዝህም ታላቅ ይሆናል። አሜን።