1 ^aMbilite nke ^bNzụkọ nke Kraịst n’ụbọchị ikpe azụ a, ebe ọ bụ otu puku na narị afọ asatọ na iri atọ site na mgbe ọbịbịa nke Onye-nwe anyị na Onye-nzọpụta anyị Jisus Kraịst n’anụ arụ, ebe ọ bụ na a ^chaziri ya n’ụzọ ziri-ezi ma hiwe ya ka o kwekọta n’iwu nile nke mba anyị, sịte na uche na iwu-nsọ nile nke Chineke, n’ọnwa nke anọ n’ụbọchị nke isii n’ọnwa a na-akpọ Epril —

2 Iwu-nsọ nile nke e nyere Joseph Smith, Nta, onye nke Chineke ^akpọrọ, ma chie ya ^bonye-ozi nke Jisus Kraịst, ka ọ bụrụ ^cokenye mbụ nke nzukọ-nsọ nke a;

3 Ma nye Oliver Cowdery onye Chineke kpọkwara, onye-ozi nke Jisus Kraịst, ka ọ bụrụ okenye nke abụọ nke nzukọ-nsọ nke a, ma chịe ya echichi n’okpuru aka nke ya;

4 Ma nke a dịka amara nke Onye-nwe anyị na Onye-nzọpụta Jisus Kraịst siri dị, onye ọ bụ ya ka otuto nile dịịrị, ma ugbụ a ma na ruo mgbe nile. Amen.

5 Mgbe e gosipụtasịrị nye onye okenye mbụ a na o nwetawo nsacha nke mmehie ya nile, ihe efu nke ụwa bịakwara ^ajigide ya ọzọ;

6 Mana mgbe o chegharịsịrị ma weda onwe ya ala n’ezie, site n’okwukwe, Chineke kụziiri ya site n’aka ^amụọ-ọzi dị nsọ, onye ^bmbara iru ya dịịrị ka amụma, na onye uwe-nsọ ya n’enweghi ntụpọ ma dị ọcha karịa ihe nile ndị dị ọcha;

7 Ma nye ya iwu-nsọ nile nke kwalitere mụọ ya;

8 Ma nye ya ike sitere n’elu, site ^an’ụzọ nke a kwadororịị, ịtụgharị-asụsụ Akwụkwọ nke Mọmọn;

9 Nke nwere akụkọ-ndekọta nke ndị dara-ada, na ^auju nke ^bozi-ọma nke Jisus Kraịst nye ndị Jentaịlụ nile nakwa ndị Ju;

10 Nke e nyere site na nkwalite mụọ, na nke emesiri ike nye ^andị ọzọ sịte na nkwusa ozi-ọma nke ndị mụọ-ozi, ma a ^bna-ekwupụta ya nye ụwa nile site n’aka ha—

11 Na-egosi ụwa nile na Akwụkwọ-nsọ nile bụ ^aezi-okwu, ma na Chineke ^bna-akpalite mụọ ndị mmadụ ma kpọọ ha ^cn’ọrụ ya dị nsọ n’oge a ma n’ọgbọ a, nakwa dịka n’ọgbọ ndị ochie;

12 Site otu a, na-egosi na ya bụ ^aotu Chineke ụnyahụ, taa, na ruo mgbe nile. Amen.

13 Ya mere, ebe o nwere nnukwu ndị-aka-ebe, site na ha a ga-ekpe ụwa ikpe, ọbụna ka ha ra bụ ndị ga-abịa n’ọmụma-ihe nke ọrụ a ma e mesịa.

14 Ma ndị ahụ na-anata ya n’okwukwe, ma na-arụ ọrụ ^aezi-omume, ga-anata ^bokpu-eze nke ndụ ebighi-ebi;

15 Mana ndị na-emesi obi ha nile ike ^an’ekweghị-ekwe, ma jụ ya, ọ ga-atụgharị bụrụ ọmụma ikpe ọkụ ala mụọ ha—

16 N’ihi na Onye-nwe Chineke ekwuwo ya; ma anyị, ndị okenye nke nzukọ-nsọ, anụwo ma gbaa-ama n’okwu nile nke otuto Ụdị-eze dị ukwuu dị n’elu, onye otuto dịịrị ruo mgbe nile na mgbe nile. Amen.

17 Site n’ihe ndị a anyị ^amatara na e nwere ^bChineke n’elu-igwe, onye n’enweghị oke ma dị ebighi-ebi, site na mgbe nile na-adigide ruo na mgbe nile na-adigide otu Chineke n’agbanweghi-agbanwe, onye kere elu-igwe na ụwa, na ihe nile nke dị n’ime ha;

18 Ma na o ^akere mmadụ, nwoke na nwanyị, dịka ^bụdị ya ma n’oyiyi ya, ka o kere ha;

19 Ma nye kwa ha iwu-nsọ nile ka ha wee ^ahụ ya n’anya ma ^bfee ya ofufe, Chineke nke dị ndụ ma bụrụ kwa nke ezi-okwu, ma na ọ bụ ya ga-abụkwa nani onye anyị ^cga-efe.

20 Kama site na njehie nke iwu ndị a dị nsọ mmadụ bịara nwee ^ammetụta nke anụ arụ na ^bonye na-eso ekwensu, ma buru ^conye dara-ada.

21 Ya mere, Chineke nke Pụrụ Ime Ihe nile nyere Ọkpara Ọ ^aMụrụ Nanị ya, dịka e dere ya n’akwụkwọ-nsọ ndị e nyere maka ya.

22 Ọ tara-ahụhụ ^aọnwụnwa nile mana o geghị ha ntị.

23 A ^akpọgburu ya, ọ nwụọ, ma ^bbilie ọzọ n’ụbọchị nke atọ;

24 Ma ọ ^arịgoro n’elu-igwe, ị nọdụ n’aka-nri nke ^bNna, ka o jiri ike pụrụ ime ihe nile chịa dịka uche nke Nna siri dị;

25 Ma ka ha ra bụ ndị ^akwere ma e mee ha baptism n’aha nsọ ya, ma ^bnagide n’ime okwukwe rue ọgwụgwụ, ka a ga-azọpụta—

26 Ọbụghị nanị ndị kwere mgbe ọ bịachara ^an’etiti oge akara-aka, n’anụ arụ, kama ndị nile site na mmalite, ọbụna ka ha ra bụ ndị nọ tutu ya abịa, ndị kwere n’okwu nile nke ^bndị-amụma di nsọ, ndị kwuru dịka ha nwere nkwalite mụo site ^cn’onyinye nke Mụọ Nsọ, ndị ^dgbara ama n’ezie n’ihe nile, ga-enwe ndụ ebighi-ebi.

27 Ma kwa ndị ahụ ga-abịa ma emesịa, ndị ga-ekwere ^an’onyinye nile ma n’ọkpụpọ-oku nile nke Chineke site na Mụọ Nsọ, nke ^bna-agba-ama nke Nna na nke Ọkpara ahụ;

28 Nke Nna, Ọkpara, na Mụọ Nsọ bụ ^aotu Chineke, n’enweghị oke ma dị ebighi-ebi, n’enweghị nsọtụ. Amen.

29 Ma anyị matara na mmadụ nile garịrị ^aechegharị ma kwere n’aha nke Jisus Kraịst, ma na-efe Nna ahụ ofufe n’aha ya, ma nagide n’ime ^bokwukwe n’aha ya rue ọgwụgwụ, m’ọbụghị ya a gaghị ^cazọpụta ha n’ala-eze Chineke.

30 Ma anyị matara na ^ankwado-izi-ezi site ^bn’amara nke Onye-nwe anyị na Onye-nzọpụta anyị Jisus Kraịst bụ ihe-ziri-ezi na ezi-okwu;

31 Ma anyị makwara, na ^aido-nsọ site n’amara nke Onye-nwe anyị na Onye-nzọpụta anyị Jisus Kraịst bụ ihe ziri-ezi na ezi-okwu, nye ndị nile hụrụ Chineke n’anya ma na-ejekwara ya ozi ^bn’ike ha nile, n’uche ha nile ma n’ume ha nile.

32 Mana o nwere omume na mmadụ ^apụrụ ịda site n’amara ma pụọ site n’ebe Chineke dị ndu nọ;

33 Ya mere ka nzukọ-nsọ nụrụ ma kpee ekpere oge nile ka ha ghara ịdaba n’ime ^aọnwụnwa;

34 E, ma ọbụna ka ndị a sachaworo nụrụ kwa.

35 Ma anyị matara na ihe ndị a bụ ezi-okwu ma dịka mkpughe nke Jọn siri dị, ^an’etinyeghị, ma-ọbụ n’ewepụghị site n’amụma nke akwụkwọ ya, ^bakwụkwọ-nsọ nile, ma-ọbụ mkpụghe nile nke Chineke nke ga-abịa mgbe e mesịrị nke a site n’onyinye na ike nke Mụọ Nsọ, ^colu nke Chineke, ma-ọbụ nkwusa ozi-ọma nke ndị mụọ-ozi.

36 Ma Onye-nwe Chineke e kwuwo ya; ma ka ùgwù, ike na otuto dịịrị aha nsọ ya, ma ugbụ a ma n’ebighi-ebi. Amen.

37 Ma ọzọ, site n’ụzọ iwu-nsọ nye nzukọ-nsọ gbasara ụzọ a ga-esi eme baptism—Ndị nile dị umeala n’iru Chineke, ma chọọ ^aime baptism, ma ha jiri ^bobi tiwara etiwa na mụọ nile nke nchegari, ma gbaa-ama n’iru nzukọ-nsọ na ha echegharịwo n’ezie site na mmehie ha nile, ma dịrị na njikere iwekwasị onwe ha ^caha nke Jisus Kraịst, nwekwa ^dmkpebi ịjere ya ozi rue ọgwụgwụ, ma gosi n’ezie site ^en’ọrụ ha na ha anatawo site na Mụọ nke Kraịst rue na ^fnsacha nke mmehie ha nile ka a ga-anabata site na-ime baptism baa n’ime nzukọ-nsọ ya.

38 Ọrụ dịịrị ndị okenye, ndị nchụ-aja, ndị nkụzi, ndị dịkọn, na ndị-otu nzukọ-nsọ nke Kraịst—^aOnye-ozi bụ onye okenye, ma ọ bụ okpụkpọ ya ^bime baptism.

39 Ma ^aichi ndị okenye nile, ndị nchụ-aja, ndị nkuzi na ndị dikọn;

40 Ma ^aigọzi achịcha na mmanya—ihe nnọchi-anya nile nke anụ arụ na ọbara nke Kraịst—

41 Na ime ndị e mere baptism ^andị-otu n’ime nzukọ-nsọ, site na ibịkwasị ^baka maka ime baptism nke ọkụ na ^cMụọ Nsọ, dịka akwụkwọ-nsọ nile siri dị.

42 Ma ịkuzi ihe, kọwadaruo ala, gbaa-ume, mee baptism ma lekọta nzukọ-nsọ anya;

43 Ma ime onye otu nzukọ-nsọ site n’ibikwasị aka, na kwa inye Mụọ Nsọ;

44 Ma ị nọrọ na ndu nke nzukọ nile.

45 Ndị okenye ^aga-edu nzukọ nile dịka Mụọ Nsọ siri tụzịere ha-aka, dịka iwu-nsọ nile na mkpughe nile nke Chineke siri dị.

46 Ọrụ dịrị ^aonye nchụ-aja bụ ikwusa, ^bikụzi, ịkọwadaruo ala, ịgba-ume na ime baptism, ma gọzie oriri-nsọ,

47 Ma jee nleta n’ụlọ onye-otu ọbụla, ma gbaa ha ume ^aikpe-pụta ekpere ^bn’olu ha ma na nzuzo ma rụzuo ọrụ nile dịịrị ha ^cn’ezi na ụlọ.

48 Ma o nwere ike ^aichi ndị nchụ-aja ọzọ, ndị nkụzi, na ndị dịkọn.

49 Ma ọ ga-anọrọ na ndu nke nzukọ nile mgbe n’enweghi onye okenye ebe ahụ.

50 Kama mgbe onye okenye nọ ebe ahụ, ihe ọ ge-eme nanị bụ ikwusa ozi-ọma, kuzie ihe, kọwadaruo ala gbaa-ume, ma mee baptism.

51 Ma jee nleta n’ụlọ onye-otu ọbụla, ma gbaa ha ume ikpepụta ekpere n’olu ha ma na nzuzo ma rụzuo ọrụ dịịrị ha n’ezi na ụlọ.

52 N’ime ọrụ ndị a nile onye nchụ-aja ^aga-enyere onye okenye aka ma ọnọdụ chọọ.

53 Ọrụ dịịrị ^aonye nkụzi bu ^bilekọta nzukọ-nsọ anya oge nile, ma nọnyere ma gbaa ha ume;

54 Ma hụ na enweghi ajọọ-omume na nzukọ-nsọ ma-ọbụ ^auche ọjọọ nye onye ọbụla, ma-ọbụ ụgha, okwu-azụ, ma-ọbụ ^bokwu ọjọọ;

55 Ma hụ na nzukọ-nsọ na-abịakọta ọnụ ugboro-ugboro, nakwa hụ na ndị-otu nile rụrụ ọrụ dịịrị ha.

56 Ma ọ bụ ya ga-anọrọ na nduzi nke nzukọ nile ma enweghi onye okenye ma-ọbụ onye nchụ-aja—

57 Ma ọ ga-enwe onye enyem-aka oge nile, n’ọrụ ya nile n’ime nzukọ-nsọ, site na ndị ^adikọn, ma ọnọdụ chọọ.

58 Kama ma-ọbụ ndị nkuzi ma-ọbụ ndị dikọn enweghi ikike ime baptism; igọzi oriri-nsọ, ma-ọbụ ịbịakwasị aka;

59 Ha ga, otu ọ dị, adọ-aka na-ntị, kọwadaruo-ala, gbaa ume, ma kuzie, ma kpọọ mmadụ nile oku ịbakwute Kraịst.

60 ^aOkenye ọbụla, onye nchụ-aja, onye nkuzi, ma-ọbụ onye dikọn ga-abụ onye e chiri echi dịka onyinye nile na ^bọkpụkpọ nke Chineke siri dị nye ya; ma a ga-echi ya site n’ike Mụọ Nsọ, nke nọ n’ime onye nke na-echi ya.

61 Ọtụtụ ndị okenye nile mejupụtara nzụkọ nke Kraịst ga-ezuko n’ọgbakọ otu ugboro n’ime ọnwa atọ, ma-ọbụ site n’ọge rue n’ọge dịka ọgbakọ ndị ahụ ga-atuzi-aka ma-ọbụ họpụta;

62 Ma ọgbakọ ndị a ga-eme ihe ọbụla bụ ọrụ nzukọ-nsọ dị mkpa ka e mee ya n’oge a.

63 Ndị okenye ga-anata akwụkwọ-ikike ha site n’aka ndị okenye ndị ọzọ, site na ^antuli-aka nkwagide nke nzukọ-nsọ nke ha bụ ndị-otu ya, ma-ọbụ site n’ọgbakọ ndia.

64 Onye nchụ-aja ọbụla, onye nkụzi, ma-ọbụ onye dikọn, onye nke e chiri echichi site n’aka onye nchụ-aja, nwere ike ịnara ya ^aasambodo n’oge ahụ, asambodo nke, mgbe e nyere ya onye okenye, ga-eme ka o tozuo inwe akwụkwọ-ikike, nke ga-enye ya ikike ịrụ-ọrụ dịịrị ya n’ọkpụkpọ oku ya, ma-ọbụ ọ ga-anata ya site n’ọgbakọ.

65 Onweghị onye ọbụla a ^aga-echi echichi n’ọkwa-ọrụ ọbụla na nzukọ-nsọ a, ebe e nwere ngalaba-nta ehiwere nke otu nzukọ a, n’enweghi ^bntụlị-aka nke nzukọ-nsọ a;

66 Mana ndị okenye nọ n’isi, ndị isi-nlekọta ngalaba-ukwu na-agagharị, ndị kansụl dị elu, ndị-isi-nchụ-aja, na ndị okenye, ga-enwe ohere nke ichi echichi, ebe n’enweghi ngalaba-nta nke nzukọ-nsọ nke a ga-enwe ntuli-aka.

67 Onye-isi nduzi ọbụla nke ọkwa nchụ-aja dị elu (ma-ọbụ onye okenye nọ n’isi), ^aụkọchukwu, onye kansụl dị elu, na ^bonye isi nchụ-aja, ka aga-echi echichi site na ntụzi aka nke ^ckansụl dị elu ma-ọbụ ọgbakọ zuru ọha.

68 ^aỌrụ dịịrị ndị-otu mgbe a nabatasịrị ha site n’ime baptism—Ndị okenye ma-ọbụ ndị nchụ-aja ga-enwe oge zuru oke iji kọwadaruo ala ihe nile gbasara nzukọ-nsọ nke Kraịst ruo na ^bnghọta ha, tutu mgbe ha ga-eri ^coriri-nsọ na ruo mgbe a ga-eme ha ndị-otu site n’ibikwasị ^daka nke ndị okenye, n’ihi ka e mee ihe nile n’usoro.

69 Ma ndị-otu nile ga-egosipụta n’iru nzukọ-nsọ, nakwa n’iru ndị okenye, site na nzọ-ije n’oyiyi nke Chineke ma na mkpakọrịta ụka, na ha kwesịrị ya ekwesị, ka e wee nwee ^aọrụ nile na okwukwe nwere nkwekọrịta na akwụkwọ-nsọ nile—na-eje ije ^bn’ịdị-nsọ n’iru Onye-nwe.

70 Onye-otu nzukọ-nsọ ọbụla nke Kraịst nwere ụmụ ga-akpọtara ha ndị okenye n’iru nzukọ-nsọ ndị ga-ebịkwasị ha aka n’aha nke Jisus Kraịst ma ^agọzie ha n’aha ya.

71 Onweghị onye a ga-anabata n’ime nzukọ-nsọ nke Kraịst m’ọbụghị ma o toruru afọ nke ^ainye nkọwasị n’iru Chineke, ma nwee ike nke ^bnchegharị.

72 ^aBaptism bụ ihe a ga-eme site n’ụzọ dị otu a nye ndị nile chegharịrị—

73 Onye Chineke kpọrọ ma nwere ikike sitere na Jisus Kraịst ime Baptism, ga-agaba na mmiri ya na onye nyere onwe ya maka baptism, ga-asị, na-akpọ ya n’aha ya: Ebe e nyere m ikike site na Jisus Kraịst, e mee m gị baptism n’aha nke Nna, na nke Ọkpara, na nke Mụọ Nsọ. Amen.

74 Mgbe ahụ ka ọ ^aga-abịanye onye ahụ n’ime mmiri, ma gụpụta ya ọzọ site na mmiri.

75 Ọ dị mkpa ka nzukọ-nsọ gbakọta ọnụ ugboro ugboro ^aiketa-oke n’achịcha na mmanya na ^bncheta nke Onye-nwe Jisus;

76 Ma onye okenye ma-ọbụ onye nchụ-aja ga-agọzi ya; ma site ^aotu a ka ọ ga-eji agọzi ya—ọ ga-egbu ikpere n’ala ya na ndị nzukọ-nsọ ma kpọkuo Nna n’ekpere dị mkpa na-asị:

77 O Chineke, Nna nke Ebighi-ebi, anyị na-arịọ gị n’aha nke Ọkpara gị, Jisus Kraịst, ka ị gọzie ma doo ^aachịcha nke a nsọ nye mkpụrụ obi nile nke ndị nile ga-eketa oke na ya, ka ha wee rie na ncheta nke arụ nke Ọkpara gị, ma ^bgbaara gị aka-ebe, O Chineke, Nna nke Ebighi-ebi, na ha nọ na njikere ^ciwekwasị onwe ha aha nke Ọkpara gị, ma na-echeta ya oge nile ma ^dna-edebe iwu-nsọ ya nile nke o nyeworo ha; ka ha wee na-enwe ^eMuọ ya oge nile ịnọnyere ha. Amen.

78 ^aỤdị nke a na-esi enye mmanya ahụ—ọ ga-ewere ^biko kwa, ma sị:

79 O Chineke, Nna nke Ebighi-ebi, anyị na-arịọ gị n’aha nke Ọkpara gị, Jisus Kraịst, ka i gọzie ma doo ^ammanya nke a nsọ nye mkpụrụ obi nile nke ndị nile ga-an̄ụ site na ya, ka ha wee mee ya na ncheta nke ọbara nke Ọkpara gị, nke a kwafuru n’ihi ha; ka ha wee gbaara gị aka-ebe, O Chineke, Nna nke Ebighi-ebi, na ha na-echeta ya oge nile, ka ha wee nwe Mụọ ya ịnonyere ha. Amen.

80 Onye-otu nzukọ-nsọ Kraịst ọbụla na-ejehie, ma-ọbụ a nwụdere ya mgbe ọ nọ na ndahie, ka-aga emeso dịka akwụkwọ-nsọ nile na-atuzi-aka.

81 Ọ ga-abụ ọrụ dịịrị ọtụtụ nzukọ-nsọ, mejupụtara nzukọ-nsọ nke Kraịst, iziga otu ma-ọbụ karịa ndị nkụzi ha ịga ọtụtụ ọgbakọ ndị okenye nke nzukọ-nsọ mere,

82 Jiri ^aaha nile edepụtara n’usoro nke ndị-otu jikọrọ onwe ha na nzukọ-nsọ ke-mgbe ọgbakọ ikpeazụ; ma-ọbụ ziga n’aka nke otu onye nchụ-aja; ka e wee nwee ndekọta zuru oke nke aha mmadụ nile nke nzukọ-nsọ ga-anọrọ n’ime akwụkwọ n’aka otu onye okenye, bụ onye ọbụla nke ndị okenye ndị ọzọ ga-ahọpụta site n’oge rue n’oge;

83 Na kwa, ọbụrụ na a ^achụpụwọ onye ọbụla site na nzukọ-nsọ, ka aha ha bụrụ ihe ehichapụrụ site n’akụkọ-ndekọta aha nile nke nzukọ-nsọ.

84 Ndị-otu nile na-apu site na nzukọ-nsọ ebe ha bi, ọbụrụ na ha na-aga nzukọ-nsọ n’ebe a na-amaghị ha, nwere ike iwere akwụkwọ-ozi na-akọwa na ha bụ ndị-otu ma tozuokwa oke, asambodo nke a ka onye okenye ma-ọbụ onye nchụ-aja ga-etinye aka na ya ma ọbụrụ na onye-otu na-anata akwụkwọ-ozị a bụ onye onye-okenye ma-ọbụ onye nchụ-aja maara nke ọma, ma-ọbụ ndị nkuzi ma-ọbụ ndị dikọn nke nzukọ-nsọ nwere ike itinye aka na ya.