፩ እናንት የቤተክርስቲያኔ ሽማግሌዎች፣ በአንድነት የተሰበሰባችሁ፣ ጸሎቶቻችሁን የሰማሁ፣ ልባችሁንም የማውቅ፣ እና ልመናችሁም በፊቴ የሆነው፣ እነሆ እናም አድምጡ።

፪ እነሆ እናም አስተውሉ፣ አይኖቼ በእናንተ ላይ ናቸው፣ እናም ሰማያት እና ምድርም በእጆቼ ውስጥ ናቸው፣ እናም የዘለአለም ሀብትንም እሰጥ ዘንድ የእኔ ናቸው።

፫ ለእናንተ የቀረቡላችሁን በረከቶች ትቀበሉ ዘንድ እንደሚገባችሁ ለእምነታችሁ ተግታችኋል፤ ነገር ግን እነሆ፣ እውነት እላችኋለሁ በልባችሁ ፍርሀት አለ፣ እናም በእውነት የማትቀበሉበት ምክንያቱ ይህ ነው።

፬ እናም አሁን እኔ ጌታ በፊት ለፊታችሁ የተቀመጡት ትእዛዛት እውነት እንደሆኑ ምስክርነትን እሰጣችኋለሁ።

፭ አይኖቻችሁ በአገልጋዬ ጆሴፍ ስሚዝ፣ ዳግማዊ ላይ ነበሩ፣ እናም ቋንቋውን ታውቃላችሁ፣ እናም ፍጹም አለመሆኑን ታውቃላችሁ፣ እናም በልባችሁም ከቋንቋው በላይ ለመግለፅ እውቀት እንዲኖራችሁ ፈልጋችሁም ነበር፤ ይህንም ታውቃላችሁ።

፮ አሁን፣ በመፅሐፈ ትእዛዛት ውስጥ፣ እንዲሁም ከመካከሉ ታናሽ የሆነውንም ፈልጉ፣ እናም በመካከላችሁ ከሁሉም በላይ ጠቢብ የሆነውንም ምረጡ፤

፯ ወይም፣ በመካከላችሁ እንደዚህ አንይነት ለመጻፍ የሚችል ማንም ቢኖር፣ ከዚያም እነዚህ እውነት እንደሆኑ አናውቅም በማለታችሁም መልካም አደረጋችሁ፤

፰ ነገር ግን፣ እንደዚህ አይነት አንድም መጻፍ ባትችሉ፣ እውነት እንደሆኑ ባለመመሰከራችሁም ትኮነናላችሁ።

፱ በውስጣቸው ጽድቅ ያልሆነ እንደሌሉ ታውቃላችሁና፣ እናም ፅድቅ የሆነው ከላይ፣ ከብርሀናት አባት ይመጣልና።

፲ እና ዳግም፣ እውነት እላችኋለሁ ይህ እድላችሁ ነው፣ እናም ከቅናት እና ፍርሀት ራሳችሁን ብታርቁ፣ እናም በፊቴም ትሁት ብትሆኑ፣ ወደ አገልግሎቱ እንደተሾማችሁ ቃል ኪዳንን እሰጣችኋለሁ፣ በብቃት ትሁት አይደላችሁምና፣ መጋረጃውም ይገፈፋል እናም አይታችሁኝም እኔ ማን እንደሆንኩም በሰውነት ወይም በስጋዊ አዕምሮ ሳይሆን፣ በመንፈስ ይህን ታውቃላችሁ።

፲፩ በእግዚአብሔር መንፈስ የተነሳሳ ካልሆነ በስተቀር፣ ማንም ቢሆን በስጋ እግዚአብሔርን ያየው አንድስ እንኳ የለም።

፲፪ ማንም ተፈጥሮአዊ ሰው በእግዚአብሔር ፊት፣ በስጋዊ አዕምሮም፣ ይቆም ዘንድ አይችልም።

፲፫ አሁንም በእግዚአብሔር ፊት፣ ወይም የመላእክትን አገልግሎት፣ ትመለከቱ ዘንድ አትችሉም፤ ስለዚህ፣ ፍጹም እስክትሆኑም ድረስ በትዕግስት ፅኑ።

፲፬ አዕምሮዎቻችሁም ወደ ነበሩበት አይመለሱ፤ እናም ብቁ ስትሆኑም፣ በጊዜዬ፣ በአገልጋዬ ጆሴፍ ስሚዝ ዳግማዊ እጆች በኩል የተሰጣችሁን ታያላችሁ እናም ታውቃላችሁም። አሜን።