1 Tupaópe oĩ mokõi sacerdocio, haʼéva, pe Mequisedec ha pe Aarónico, oikehápe upe Sacerdocio Levítico.

2 Upe peteĩha ojehero Melquisedec sacerdocio, Melquisedec haʼégui peteĩ sumo sacerdote tuichaite.

3 Hiʼára mboyve oñehenoivaʼekue Santo Sacerdocio según el Orden del Hijo de Dios.

4 Ha katu rrespéto térã rreverensiagui upe Ser Supremo rérare, ani hag̃ua ojeʼe jeyjey pyʼỹi upe héra, haʼekuéra, pe tupao, umi ára ymáme, ombohérakuri Melquisedec upe sacerdocio, térã Mequisedec Sacerdocio.

5 Opa ambue tupaogua autorida térã ofísio haʼe ko sacerdocio mbojoapy.

6 Ha katu oĩ mokõi divisiõ térã akã imbaʼeguasuvéva—peteĩ haʼe Mequisedec Sacerdocio, ha ambuéva haʼe Sacerdocio Aarónico térã Levítico.

7 Pe elder ofísio haʼe Mequisedec Sacerdocio-pegua.

8 Pe Melquisedec Sacerdocio oguereko derécho opresidi hag̃ua, ha oguereko puʼaka ha autorida opa ofísio ári tupaópe, opa múndo edápe, oʼadministra hag̃ua umi mbaʼe espiritualvape.

9 Pe Sumo Sacerdocio Presidencia, Melquisedec orden-cha, oguereko derécho oʼofisia hag̃ua opa tupaogua ofísiope.

10 Sumo Sacerdote-kuéra Melquisedec Sacerdocio orden-cha oguereko derécho oʼofisia hag̃ua henda teépe, presidencia ñeisãmbyhy guýpe, oʼadministra hag̃ua umi mbaʼe espiritualva, ha avei elder ofísiope, presbítero (levítico orden-pegua), maestro, diákono ha miembro-pe.

11 Pe sumo sacerdote ndaipóri jave, peteĩ elder oguereko derécho oʼofisia hag̃ua hendaguépe.

12 Pe sumo sacerdote ha pe elder oʼadministravaʼerã umi mbaʼe espiritualva, tupao konveniokuéra ha tembiapoukapýpe oĩháicha; ha oguereko hikuái derécho oʼofisia hag̃ua opa tupaogua ofisiokuérape, ndaipóri jave peteĩ autorida ijyvatevéva.

13 Pe sacerdocio mokõiha oñehenói Aarón Sacerdocio, oñekonferígui Aarón ha iñemoñarépe, opa iñemoñareaty aja.

14 Oñehenói sacerdocio ikarapevéva haʼe rupi pe ijyvatevéva mbojoapy, térã pe Melquisedec Sacerdocio, ha oguereko puʼaka oʼadministra hag̃ua umi ordenánsa okapegua.

15 Obispádo haʼe ko sacerdocio presidencia, ha oguereko illáve térã ijautorida.

16 Avave kuimbaʼe ndoguerekói derécho legal ko ofísiope, oguereko hag̃ua ko sacerdocio llavekuéra, ndahaʼéirõ Aarón ñemoñare teéva.

17 Ha katu, peteĩ Melquisedec Sacerdocio sumo sacerdote, oguerekógui autorida oʼofisia hag̃ua opa ofísio ikarapevévape, haʼe ikatu ojapo obispo oficio, ndojejuhúirõ peteĩ Aarón ñemoñare teéva, oñehenói, ojeʼaparta ha oñeʼordenáramo kóva ko puʼakápe, Melquisedec Sacerdocio Presidencia po rupive.

18 Pe sacerdocio ijyvatevéva puʼaka ha autorida, térã, pe Melquisedec Sacerdocio-va, heʼise ojeguerekoha opa tupaogua jehovasa espiritual lláve—

19 Ojeguereko hag̃ua priviléhio ojehupytývo yvága rréino ñemimbykuéra, ojehecha yvága ojepeʼávo, oñeñeʼẽ upe asamblea general ha Primohénito tupaóndi, ha ojerovyʼa Tupã pe Túva ha Jesús, upe konvénio pyahu mediador, komuniõ ha ñeimére.

20 Pe sacerdocio ikarapevéva puʼaka ha autorida, térã, pe Sacerdocio Aarónico, heʼise ojeguerekoha anhelkuéra ministério lláve, ha oñeʼadministra hag̃ua umi ordenánsa okapegua, pe evanhélio létra, ñemongarai arrepentimientorã angaipakuéra rremisiõrã, umi konvénio ha tembiapoukapýpe oĩháicha.

21 Tekotevẽ oĩ presidente-kuéra, osẽva térã oñehenóiva ofisial presidente, umi oñeʼordenáva apytégui koʼã mokõi sacerdocio ofísiope.

22 Melquisedec Sacerdocio-gui, mbohapy Sumo Sacerdote Presidente, upe aty oiporavóva, oñehenói ha oñeʼordenáva upe ofísiope, ha oñesostenéva pe tupao jeroviapy, jerovia ha ñemboʼekuéra rupive, haʼe pe Tupao Presidencia kuórun.

23 Umi dóse konsehéro oviaháva oñehenói haʼe hag̃ua Doce Apóstoles, térã testígo espesial Cristo rérare opa múndore—ha péicha ojoavy ambue tupao ofisialkuéragui illamamiénto rembiaporãme.

24 Ha haʼe hikuái peteĩ kuórun, ojojáva autorida ha puʼakápe umi mbohapy presidente oñeñeʼẽmavaʼekuére.

25 Umi Setenta oñehenói avei omboʼe hag̃ua pe evanhélio ha haʼe hag̃ua testígo espesial hentilkuérape ha opa múndore—ha péicha ojoavy ambue tupao ofisialkuéragui illamamiénto rembiaporãme.

26 Ha haʼe hikuái peteĩ kuórun, ojojáva autoridápe umi dóse testígo espesial térã apóstol oñeñeʼẽ ramoitehague.

27 Ha opa mbaʼe heʼíva ojapotaha oimeraẽ koʼã kuórun, ojejapóta pe kuórun ñeʼẽpu ñemopeteĩ rupive; péva heʼise, opa miembro peteĩteĩ kuorunpegua og̃uahẽvaʼerã peteĩ ñeʼẽme umi mbaʼe heʼívape, koʼãva oguereko hag̃ua peteĩchagua puʼaka térã ovaleha oñondive—

28 Peteĩ hetavéva ikatu haʼe peteĩ kuórun, ndaikatúi jave ojejapo ambuéicha—

29 Upéichaʼỹramo, idesisiõkuéra ndoguerekói derécho peteĩchagua jehovasápe, yma ohupytyvaʼekue peteĩ mbohapy presidente kuórun desisiõkuéragui, umíva oñeʼordenavaʼekue Melquisedec orden-cha, ha haʼevaʼekue kuimbaʼe hekojojáva ha imarangatúva.

30 Koʼã kuórun desisiõ, térã oimeraẽ haʼekuéra, ojejapovaʼerã opa tekojojápe, santida ha korasõ mirĩme, tekomarangatu ha pyʼaporãme, ha jeroviápe, ha virtu, ha kuaapy, akãguapy, jejaheiʼỹme, tekoporã, mborayhu tapicháre ha karidáre;

31 Oĩgui upe promésa, hetáramo koʼã mbaʼe ijapytepekuéra, ndahiʼaʼỹmoʼãiha hikuái Ñandejára kuaapýpe.

32 Ha koʼã kuórun ojapóramo desisiõ ijojaʼỹva, ikatúta ojegueru upéva heta kuórun asamblea heneral renondépe, haʼéva umi tupaogua autorida espiritual; upéichaʼỹramo, ndaikatúi ojeʼapela idesisiõkuérare.

33 Umi Dóse haʼe peteĩ Sumo Consejo Presidente Viajante, oʼofisia hag̃ua Ñandejára rérape, Tupao Presidencia ñeisãmbyhy guýpe, yvága autoridápe oĩháicha; oñemopuʼã hag̃ua pe tupao ha oñemboguata hag̃ua opa mbaʼe heseguáva opa tetãnguérape, hentilkuérape raẽve ha upéi Hudiokuérape.

34 Umi Setenta ombaʼapóta Ñandejára rérape umi Dóse ñeisãmbyhy guýpe, térã, pe sumo consejo viajante, omopuʼãvo pe tupao ha omboguatávo opa mbaʼe heseguáva opa tetãnguérape, hentilkuérape raẽve ha upéi Hudiokuérape—

35 Oñemondóvo umi Dóse, oguerekóvo haʼekuéra umi lláve oipeʼa hag̃ua upe okẽ Jesucristo evanhélio ñemomarandu rupive, hentilkuérape raẽve ha upéi Hudiokuérape.

36 Sion estakakuérape, umi sumo konsého rresidénte haʼe peteĩ kuórun ojojáva autoridápe, pe tupao mbaʼekuéra reheguápe, opa idesisiõme, upe presidencia kuórun, térã pe sumo konsého viahántendi.

37 Sion sumo konsého haʼe peteĩ kuórun ojojáva autoridápe, pe tupao mbaʼekuéra reheguápe, opa idesisiõme, umi Dóse konsého Sion estakapeguándi.

38 Pe sumo consejo viajante rembiaporã haʼe ohenói hag̃ua umi Setenta, ambuekuéra rãngue, oikotevẽ jave ñeipytyvõre, oñatende hag̃ua umi heta llamamiénto oñemboʼe ha oñeʼadministra hag̃ua pe evanhélio.

39 Umi Dóse rembiaporã haʼe oʼordena hag̃ua ministro-kuéra evanhelista opa tupao rráma tuichávape, ojeʼeháicha chupekuéra rrevelasiõ rupive—

40 Ko sacerdocio orden oñekonfirmákuri ohasa hag̃ua túvagui taʼýrape, ha derécho rupi, haʼe lináhe ojeiporavopyréva ñemoñarekuéra tee mbaʼéva, ojejapoʼakuépe umi promésa.

41 Ko orden oñemoĩvaʼekue Adán árape, ha ohasavaʼekue lináhe rupi kóicha:

42 Adán-gui Set-pe, oñeʼordenaʼakue Adán-re, sesenta y nueve áño orekópe; ha mbohapy ary Adán omano mboyve, kóva ohovasa chupe, ha ohupytýkuri Tupã promésa, itúva rupive, pe iñemoñare haʼetaha Ñandejára poravopyre, ha oñeñongatutaha pe yvy opa peve;

43 Set haʼégui peteĩ kuimbaʼe iporãmbáva, ha haʼanga itúva raʼangaichaitékuri, ha ojoguaite itúvape opa mbaʼépe, ha ijedáre añónte ikatúkuri ojehechakuaa mávapa.

44 Enós oñeʼordenákuri ciento treinta y cuatro áño ha cuatro mésepe, Adán po rupive.

45 Tupã ohenoivaʼekue Cainán-pe taveʼỹme, orekórõguare cuarenta áño; ha ojuhúkuri Adán-pe ohórõguare Shedolamak retãme. Haʼe orekókuri ochenta y siete áno ohupytyrõguare iñordenasiõ.

46 Mahalaleel orekókuri cuatrocientos noventa y seis áño ha siete diá oñeʼordenavoguare Adán po rupive, ohovasaʼakue avei chupe.

47 Jared orekókuri doscientos áño ohupytyrõguare iñordenasiõ Adán po rupive, ohovasaʼakue avei chupe.

48 Enoc orekókuri veinticinco áño oñeʼordenarõguare Adán po rupi; ha orekókuri sesenta y cinco áño ha Adán ohovasákuri chupe.

49 Ha Enoc ohechákuri Ñandejárape, ha haʼe oikovaʼekue hendive, ha oĩ meme hova renondépe; ha haʼe oguatákuri Tupãndi trescientos sesenta y cinco áño, péva heʼise orekohague cuatrocientos treinta ary ojegueraharõguare.

50 Matusalén orekókuri cien áño oñeʼordenarõguare Adán po rupive.

51 Lamec orekókuri treinta y dos áño oñeʼordenarõguare Set po rupive.

52 Noé orekókuri diez áño oñeʼordenarõguare Matusalén po rupive.

53 Mbohapy ary omano mboyve, Adán ohenóikuri Set, Enós, Cainán, Mahalaleel, Jared, Enoc ha Matusalén-pe, mayma haʼekuéra sumo sacerdote, iñemoñaregua rembyre hekojojávandi, Adán-ondi-Ahmán yvy ipévape, ha upépe omeʼẽ chupekuéra ijehovasa paha.

54 Ha Ñandejára ojehechauka chupekuéra, ha opuʼã hikuái ha ohovasa Adán-pe, ha ohenói hikuái chupe Miguel, pe prínsipe, upe arkánhel.

55 Ha Ñandejára omoangapyhy Adán-pe, ha heʼi chupe: Che romoĩkuri reime hag̃ua akãme; hetaiterei tetãnguéra osẽta ndehegui, ha nde haʼéta prínsipe hiʼarikuéra tapiaite g̃uarã.

56 Ha oñemboʼy Adán pe atyguasu mbytépe, ha ikarapãrõ jepe itujaitémagui, henyhẽvo Espíritu Santo-gui, ohechapukupaite umi mbaʼe ojehútava iñemoñarépe, ñemoñareaty paha peve.

57 Opa koʼã mbaʼe ojehaíkuri Enoc kuatiañeʼẽme, ha ojetestifikáta umívagui hiʼárape.

58 Haʼe avei umi Dóse rembiaporã oʼordena ha omohenda opa ambue tupao ofisialkuérape, rrevelasiõ péicha heʼívape:

59 Cristo tupaópe Sion retãme, ha avei umi tupao léi haʼéva tupao rembiapo rehegua—

60 Añetehápe, Che haʼe peẽme, heʼi pe Señor de las Huestes, tekotevẽ oĩ elder presidente-kuéra opresidi hag̃ua umi orekóvape elder ofísio;

61 Ha avei presbítero-kuéra opresidi hag̃ua umi orekóvape presbítero ofísio;

62 Ha avei maestro-kuéra opresidi hag̃ua umi orekóvape maestro ofísio, ha péicha, avei diakonokuéra—

63 Upévare, diákonogui maestro-pe, ha maestro-gui presbítero-pe, ha presbítero-gui elder-pe, ha péicha ohohína, oñehenoiháicha hikuái, umi tupao konvénio ha tembiapoukapýpe heʼiháicha.

64 Upérõ ou pe Sumo Sacerdote, tuichavéva opavavégui.

65 Upévare, tekotevẽ oñehenói peteĩ upe Sumo Sacerdocio-gui opresidi hag̃ua pe sacerdocio, ha haʼe oñehenóita Tupao Sumo Sacerdocio Presidente;

66 Térã, ambue ñeʼẽme, Sumo Sacerdote Presidente opa Tupao Sumo Sacerdocio ári.

67 Chugui ou tupaópe g̃uarã ordenánsa ha jehovasa-kuéra administrasiõ, po ñemoĩ rupive.

68 Upévare, upe obispo ofísio ndaʼupéichai; pe obispo ofísio haʼégui oñeʼadministra hag̃ua opa umi mbaʼe yvy arigua;

69 Upevére, pe obispo ojeiporavovaʼerã umi Sumo Sacerdocio apytégui, ndahaʼéiramo peteĩ haʼéva Aarón ñemoñare tee;

70 Ndahaʼéiramo haʼéva Aarón ñemoñare tee, ndaikatúi oguereko upe sacerdocio llavekuéra.

71 Upevére, ikatu ojeʼaparta peteĩ sumo sacerdote, upéva heʼise, Melquisedec orden-cha, oʼadministra hag̃ua umi mbaʼe yvy arigua, oikuaátava upe añetegua Espíritu rupive;

72 Ha avei haʼe hag̃ua hue Israel-pe, ojapo hag̃ua tupao rembiapokuéra, ha ohusga hag̃ua umi ojapyharávape, umi testimónio ojeguerúvare henondépe léipe heʼiháicha, ikonseherokuéra ñeipytyvõ rupive, haʼe oiporavoʼakue térã oiporavótava tupao elder-kuéra apytégui.

73 Kóva haʼéta obispo rembiaporã ndahaʼéiva Aarón ñemoñare tee, ha katu pe oñeʼordenavaʼekue Sumo Sacerdocio-pe, Melquisedec orden-cha.

74 Ha péicha, haʼéta peteĩ hue, héẽ, hue komún Sion-guakuéra apytépe, térã peteĩ Sion estákape, térã oimeraẽ Tupao rrámape haʼe ojeʼapartahápe ko ministériope g̃uarã, oñembotuicha peve Sion rembeʼy, tekotevẽ ojeguereko ambue obispo-kuéra térã huekuéra Sion-pe térã ambue hendápe.

75 Ha oñehenóirõ ambue obispo-kuéra, koʼãva ombaʼapóta péichagua ofísiope.

76 Ha katu peteĩ Aarón ñemoñare tee oguereko derécho legal ko sacerdocio presidencia-pe, ko ministério llavekuérape, ombaʼapo hag̃ua obispo ofísiope ijehegui, konseherokuéraʼỹre, haʼe hag̃ua hue Israel-pe, ndahaʼéirõ ojehusga jave peteĩ Sumo Consejo Presidente-pe, Melquisedec orden-cha.

77 Ha oimeraẽ desisiõ ojapóva koʼã konsého haʼéta tembiapoukapýicha heʼíva:

78 Avei, añetehápe Che haʼe peẽme, umi tupao rembiapo imbaʼeguasuvéva ha umi káso hasyvéva, oĩramo joavy pe obispo térã umi hue desisiõre, oñemeʼẽta ha oñembohasáta Tupao konséhope, Sumo Consejo Presidencia renondépe.

79 Ha pe Sumo Sacerdocio konsého Presidencia ipuʼakáta ohenói hag̃ua ambue sumo sacerdote-kuéra, dóse jepeve, oipytyvõ hag̃ua konsehéro ramo; ha péicha pe Sumo Sacerdocio Presidencia ha ikonseherokuéra ipuʼakáta odesidi hag̃ua upe testimónio, Tupao léipe heʼiháicha.

80 Ha ko desisiõ rire, noñemomanduʼamoʼãvéima Ñandejára renondépe; kóva haʼégui Tupã tupao konsého ijyvatevéva ha pe omeʼẽva desisiõ paha oĩ jave joavy umi mbaʼe espiritualvare.

81 Ndaipóri avave tupaogua oĩʼỹva ko tupao konsého guýpe.

82 Ha peteĩ Sumo Sacerdocio-gua Presidente ojapyharárõ, oñehenóita chupe tupao konsého komún renondépe, oipytyvõtavape dóse konsehéro Sumo Sacerdocio-gua;

83 Ha desisiõ ojapóva hikuái iñakã ári ombopaháta opa joavy hesegua.

84 Péicha, avavépe ndojepeʼái hustísiagui ha Tupã leikuéra guýgui, opa mbaʼe ojejapo hag̃ua henondépe, orden ha hekópe, añetegua ha tekojojápe oĩháicha.

85 Ha avei, añetehápe Che haʼe peẽme, diákono ofisiogua presidente rembiaporã haʼe opresidi hag̃ua umi dóse diákonope, oguapy hag̃ua hendivekuéra konséhope ha omboʼe chupekuéra hembiaporã, ojoedifikávo ojupe konveniokuérape oñemeʼẽháicha.

86 Ha avei maestro-kuéra ofísio presidente rembiaporã haʼe opresidi hag̃ua veinticuatro maestro-kuéra ári, oguapy hag̃ua hendivekuéra konséhope, omboʼévo chupekuéra ijofísio rembiaporãnguéra, konveniokuérape oñemeʼẽháicha.

87 Ha avei pe Aarón Sacerdocio presidente rembiaporã haʼe opresidi hag̃ua cuarenta y ocho presbítero-kuérape, ha oguapy konséhope hendivekuéra, omboʼe hag̃ua chupekuéra ijofísio rembiaporãnguéra, konveniokuérape oñemeʼẽháicha—

88 Ko presidente haʼevaʼerã peteĩ obispo; kóva haʼégui peteĩ ko sacerdocio rembiaporã.

89 Avei, elder-kuéra ofísio presidente rembiaporã haʼe opresidi noventa y seis elder-kuéra ári, ha oguapy hendivekuéra konséhope, ha omboʼe chupekuéra umi konvéniope oĩháicha.

90 Ko presidencia iñambue umi sententa-guágui, ha oñemoĩʼakue umi ndojeʼóivape g̃uarã opa múndore.

91 Ha avei, pe Sumo Sacerdocio ofísio Presidente rembiaporã haʼe opresidi hag̃ua opa pe tupao, ha haʼe hag̃ua Moiséicha—

92 Péina ápe, ko ápe oĩ arandu; héẽ, haʼe hag̃ua techapahára, rrevelador, mbohasahára ha proféta, ojeguerekóvo opa Tupã don, haʼe okonferíva upe haʼévape tupao akã ári.

93 Ha haʼe pe visiõcha ohechaukáva umi Setenta orden, opresidivaʼerãha chupekuéra siete presidente-kuéra, ojeiporavóva umi setenta número apytégui;

94 Ha pe séptimo presidente koʼã presidente-gui opresidíta umi séipe;

95 Ha koʼã siete presidente oiporavovaʼerã ambue setenta, umi peteĩha setenta oĩhágui hikuái, ha opresidivaʼerã chupekuéra;

96 Ha avei ambue setenta-pe, setenta vése siete peve, tekotevẽgui, pe víña rembiapo ojeruréramo.

97 Ha koʼã setenta haʼevaʼerã minístro viahantekuéra, Hentilkuérape raẽve ha avei Hudiokuérape.

98 Ha katu upéicha ambue tupao ofisialkuéra, umi ndahaʼéiva Dosegua ni Setenta-gua, oguerekóramo jepe ofísio ijyvatéva ha irresposabilidáva tupaópe, ndoguerekói rresponsabilida oho hag̃ua opa tetãnguéra apytépe, ha katu ojeʼoivaʼerã haʼekuéra ikatuháicha.

99 Upévare, toikuaa hembiaporã opa kuimbaʼe, ha ombaʼapo hag̃ua opa jesarekópe pe ofísio oñehenói haguépe.

100 Pe iñateʼỹva ndojehechamoʼãi hekojojávaramo opyta hag̃ua, ha pe ndoikuaáiva hembiaporã ha ndojehechaukáiva ñemoneĩmbapyre, ndojehechamoʼãi hekojojávaramo opyta hag̃ua. Taupéicha. Amén.