1 Péicha heʼi Tupã Ñandejára, pe Israel-gua Ipuʼakapáva: Péina ápe, che haʼe ndéve, che rembiguái Edward, rejehovasapyre nde, ha ne angaipakuéra oñeperdona, ha reñehenói remboʼe hag̃ua che evanhélio turu ñeʼẽmeguáicha;

2 Ha che amoĩta nde ári che po che rembiguái Sidney Rigdon rupive, ha remog̃uahẽta che Espíritu, pe Espíritu Santo, pe Moangapyhyhára jepeve, nerekomboʼétava umi mbaʼe ñanembopyʼaguapýva rreinopegua;

3 Ha remombeʼúta ñeʼẽ hatãme, erévo: Hosanna, tojehovasa Tupã Ijyvatevéva réra!

4 Ha koʼág̃a che ameʼẽ ndéve ko ñehenói ha tembiapoukapy opa yvyporakuéra rehegua—

5 Opavave umi oúva che rembiguái Sidney Rigdon ha José Smith, pe taʼýra, renondépe, ha omoporãva ko ñehenói ha tembiapoukapy, oñeordenáta ha ohóta omboʼe hag̃ua pe evanhélio opaveʼỹva opa tetãnguéra apytépe.

6 Eguerosapukái hag̃ua arrepentimiento, erévo: Pejesalva pende jupe ko ñemoñareaty hembiapovaívagui, ha pesẽ pe tatágui, pehayhuʼỹme umi ao soʼópe oñemongyʼapyréva jepe.

7 Ha oñemeʼẽta kóva ko tembiapoukapy che tupaogua elderkuérape, opa kuimbaʼe omoporãva korasõ mirĩme, oñeordena hag̃ua ha oñemondo che haʼe haguéicha.

8 Che haʼe Jesucristo, Tupã Raʼy; upévare, ejekuʼa jokua ha ñehaʼarõʼỹme ajúta che témplope. Taʼupéicha. Amén.