Sección 113
Isaías jehaipy rehegua porandukuéra ñembohovái, oñemeʼẽvaʼekue José Smith upe Proféta rupive, Far West, Misuri ypýpe térã ag̃ui upégui, marzo 1838-pe.
1–6, Ojekuaa Isaí rakã, pe vára hakãgui osẽtava ha Isaí rapo; 7–10, Sion rembyre isarambíva oguereko derécho sacerdocio-gui ha oñehenói oujey hag̃ua Ñandejárape.
1 Mávapa pe Isaí rakã oñeñeʼẽvare Isaías kapítulo 11, umi versíkulo 1, 2, 3, 4, ha 5-pe?
2 Añetehápe, péicha heʼi Ñandejára: Haʼe Cristo.
3 Mbaʼépa pe vára oñeñeʼẽvare Isaías, capítulo 11, versículo peteĩháme, osẽtava Isaí rakãgui?
4 Péina ápe, péicha heʼi Ñandejára: Haʼe peteĩ tembiguái Cristo pópe, haʼéva sapyʼa Isaí ñemoñare ha avei Efraín, térã José rogaygua, upe oñemeʼẽvaʼekuépe heta puʼaka.
5 Mbaʼépa Isaí rapo, oñeñeʼẽvare versículo 10, kapítulo 11-pe?
6 Péina ápe, péicha heʼi Ñandejára: haʼe peteĩ Isaí ñemoñare, ha avei José-gui, derécho rupive orekóva upe sacerdocio ha rreinopegua llavekuéra, ha mbaʼerechaukaháramo, ha che tavayguakuéra ñembyatyrã umi ára pahápe.
7 Umi porandu ojapovaʼekue Elias Higbee: Mbaʼe heʼise tembiapoukapy oñemeʼẽva Isaías, kapítulo 52, versículo 1-pe, heʼíva: Eñembyao pokatúgui, O Sion—ha mbaʼe távare oñeʼẽ Isaías?
8 Haʼe oñeʼẽkuri umi ára pahápe Tupã ohenóitavare, umi oguerekótava upe sacerdocio puʼaka omopuʼãjey hag̃ua Sion ha ojapo hag̃ua Israel rredensiõ; ha oñembyao imbaretépe heʼise oñembyao sacerdocio puʼakápe, haʼe, Sion, oguerekoha derécho lináhe rupive; ha avei ohupyty jey hag̃ua upe puʼaka ohundivaʼekue.
9 Mbaʼépa ñaikũmbyvaʼerã segundo versículo heʼívare Sion tojora ijehegui ijajúra jokuaha?
10 Ñaikũmbyvaʼerã oñemokyreʼỹha ambuekuéra isarambívape oujey hag̃ua Ñandejárape, oñemomombyry haguégui hikuái; ha ojapóramo upéva, Ñandejára oñeʼẽmeʼẽkuri oñeʼẽtaha chupekuéra, térã omeʼẽtaha chupekuéra rrevelasiõ. Tojehecha umi versículo 6, 7, ha 8. Ijajúra sã haʼe umi Tupã ñeʼẽngái hiʼári, térã Israel rembyre ári, iñeime sarambípe hentilkuéra apytépe.