Sección 16
Rrevelasiõ oñemeʼẽvaʼekue José Smith, pe proféta rupive, Peter Whitmer, pe taʼýra, Fayette, Nueva York, Junio 1829-pe. (tojehecha sección 14 moñepyrũ). Peter Whitmer-gui, pe taʼýra, oiko peteĩ umi Ocho Testígo Mormón Kuatiañeʼẽmegua.
1–2, Ñandejára jyva ojepyso opa yvy ári; 3–6, Pe evanhélio ñehekomboʼe ha angakuéra jesalva haʼe mbaʼe hepyvéva.
1 Ehendu che rembiguái Peter, ha ejapysaka Jesucristo ñeʼẽnguérare, ne Ñandejára ha ne Rredentor.
2 Péina ápe, añeʼẽ ndéve tesakã ha puʼakápe, che jyva ojepysógui opa ko yvy ári.
3 Ha amombeʼúta ndéve avave yvypóra oikuaaʼỹva, térã che ha ndénte—
4 Heta ára reikuaaségui chehegui pe mbaʼe ndéve g̃uarã hepyvéva.
5 Péina ápe, pévare rejehovasapyre nde, ha remombeʼu haguére umi che ñeʼẽ, aikuaaukavaʼekue ndéve, che rembiapoukapýpe oĩháicha.
6 Ha koʼág̃a, péina ápe, haʼe ndéve, pe hepyvéva ndéve g̃uarã haʼéta emomarandu hag̃ua arrepentimiento ko tavayguápe, egueru hag̃ua chéve angakuéra, epytuʼu hag̃ua hendivekuéra che Ru Rréinope. Amén.