Sección 22
Rrevelasiõ oñemeʼẽvaʼekue José Smith, pe Proféta rupive, Manchester, Nueva York, Abril 16, 1830-pe. Ko rrevelasiõ oñemeʼẽ Tupaópe oĩ haguére tapicha oñemongaraimavaʼekue ojoajuséva pe Tupaóre oñemongarai jey ỹre.
1, Ñemongarai haʼe peteĩ konvénio pyahu ha opaveʼỹva; 2–4, Oñeikotevẽ ñemongarai ojeautorisáva.
1 Péina ápe, che haʼe peẽme, ambopákuri opa umi konvénio tuja kóva ko mbaʼépe; ha kóva haʼe peteĩ konvénio pyahu ha opaveʼỹva, haʼevaʼekue iñepyrũ guive jepe.
2 Upévare, peteĩ tapicha oñemongaraírõ jepe cien véce, ndovaléi mbaʼeve chupe g̃uarã, ndaikatúigui peike pe okẽ poʼi rupi Moisés léi rupive, ni pene rembiapo manombyre rupive.
3 Ha umi pene rembiapo manombyre rupi che omopuʼãukákuri chéve g̃uarã, ko konvénio paha ha ko tupao, ára ymaguaréicha jepe.
4 Upévare, peike pe okẽ rupi, che amanda haguéicha, ha ani peñemonẽʼẽse pene Tupãme. Amén.