Sección 4
Rrevelasiõ oñemeʼẽvaʼekue José Smith, pe Proféta rupive, Itúva José Smith, pe túva, Harmony, Pensilvania, Febrero 1829-pe.
1–4, Pyʼaguasúpe jeservi osalva Ñandejára rembiguaikuéra; 5–6, Tupãmegua atributo okalifika chupekuéra ministeriorã; 7, Ojehekavaʼerã umi mbaʼe Tupã reheguáva.
1 Koʼág̃a péina ápe, peteĩ tembiapo hechapyrãva oĩma osẽ hag̃uáicha yvypóra raʼykuéra apytépe.
2 Upévare, O peẽ peikeséva Tupã servicio-pe, pemaʼẽke tapeservi ichupe opa pene korasõ, ánga, akãmegua ha mbarete reheve, peime hag̃ua angaipaʼỹre Tupã renondépe, ára pahápe.
3 Upévare, Tupãme peserviséramo peñehenói tembiapópe;
4 Ha péina ápe, ñu morotĩma ñemonoʼõra; ha péicha, omoigéva ikysekarapã imbaretépe, péva oñongatu ijupe g̃uarã ha noñehundíri, ha katu ogueru salvasiõ hiʼángape g̃uarã;
5 Ha fe, ñehaʼarõmby, karida ha mborayhu, Tupã glóriarente omaʼẽramo, ikatupyrýma tembiaporã.
6 Penemanduʼáke, peguereko hag̃ua fe, tekopotĩ, kuaapy, akãguapy, jejaheiʼỹ, mborayhu tapicháre, tekomarangatu, karida, ñemomirĩ, jesareko.
7 Pejerure, ha oñemeʼẽta peẽme; pembota, ha ojepeʼáta peẽme. Amén.