Sección 55
Rrevelasiõ oñemeʼẽvaʼekue José Smith, upe Proféta rupive, William W. Phelps-pe, Ohio, junio 14, 1831-pe. William W. Phelps, haʼéva impresor, og̃uahẽramókuri Kirtland-pe hogayguakuérandi, ha pe Proféta oporandu Ñandejárape hese.
1–3, William W. Phelps oñehenói ha ojeporavo oñemongarai hag̃ua, oñeordena hag̃ua elder, ha omboʼe hag̃ua upe evanhélio; 4, Ohaivaʼerã avei umi kuatiañeʼẽ mitãnguérape g̃uarã Tupao mboʼehaópe; 5–6, Ojeʼoivaʼerã Misuri-pe, haʼéva tenda ojapotahápe hembiapo.
1 Péina ápe, péicha heʼi ndéve Ñandejára, che rembiguái William, héẽ, opa tetãmegua Ñandejára, reñehenói ha rejeporavo; ha reñemongarai rire ýpe, rejapóramo che glóriare añónte remaʼẽvo, rehupytýta ne angaipakuéra jejora ha Espíritu Santo ñemog̃uahẽ, po ñemoĩ rupive;
2 Ha upérõ reñeordenáta ko tupao elder, che rembiguái José Smith, upe taʼýra po rupive, remboʼe hag̃ua arrepentimiento ha angaipakuéra rremisiõ, ñemongarai rupive Jesucristo rérape, Tupã oikovéva Raʼy.
3 Ha reguerekóta puʼaka remeʼẽ hag̃ua Espíritu Santo, umi remoĩva ári nde po, haʼekuéra oñembyasýrõ che renondépe.
4 Ha avei, reñeʼordenáta reipytyvõ hag̃ua che rembiguái Oliver Cowdery-pe, ojejapo hag̃ua kuatiañeʼẽguéra ñeʼimprimi, jeiporavo ha jehai rembiapo, ko tupao mboʼehaokuérape g̃uarã, umi mitã michĩva oñehekomboʼe hag̃ua avei che renondépe, ha upéva che arohory.
5 Ha avei, añetehápe Che haʼe ndéve, péva rupi rejeʼóita che rembiguái José Smith, upe taʼýra, ha Sidney Rigdon ndive, repyta hag̃ua nde yvy jehejapyrépe, rejapo hag̃ua ko tembiapo.
6 Ha avei, toho avei hendivekuéra che rembiguái Joseph Coe. Hembyre ojehechaukáta tenondeve, jepe Che aipotaháicha. Amén.