1 Ojepeʼákuri oréve yvága, ha ahechákuri Tupã reino celestial, ha glória ipypegua, aimépa che retépe térã okápe, ndaikatúi haʼe.

2 Ahechákuri okẽ porãngue jojahaʼỹ oiketaha rupi upe rréino eredéro, ojoguáva tata rendy ojerévape;

3 Ahecha avei Tupã apykajegua ojajáiva, oguapyhápe Túva ha Taʼýra.

4 Ahechákuri umi tape porãite upe rreinogua, haʼetéva órope oñepavimentapyréva.

5 Che ahechákuri Túva Adán ha Abraham-pe; ha che ru ha che sýpe; ha che rykeʼy Alvin-pe, aréma omanovaʼekue;

6 Ha ahecharamoite haʼe ohupytyhague peteĩ jehejapyre upe rréinope, osẽguikuri ko tekovégui Ñandejára oipyso mboyve ipo ombyaty hag̃ua Israel mokõiha árape, ha noñemongarairivaʼekue angaipakuéra rremisiõrã.

7 Upérõ, ou chéve Ñandejára ñeʼẽpu, heʼívo: Opavave omanovaʼekue oikuaaʼỹre ko evanhélio, omog̃uahẽtavakuri ojehejáramo chupekuéra opyta, haʼéta Tupã rréino yvagagua eredéro;

8 Avei opavave omanóva koʼág̃a guive oikuaaʼỹre upéva, omog̃uahẽtavakuri opa ikorasõme, haʼéta ko rréino eredéro;

9 Che, Ñandejára, ahusgátagui opa tekovépe hembiapokuére, ikorasõkuéra oipotaháicha.

10 Ha che ahecha avei opa mitãnguéra omanóva ohupyty mboyve eda oiporavokuaamahápe, ojesalva yvagagua reino celestial-pe.