Mataupu Faavae ma Feagaiga Punaoa o Talafaasolopito: Sini Kilipati, Mataupu Faavae ma Feagaiga Punaoa o Talafaasolopito (2025)
Sini Kilipati, Mataupu Faavae ma Feagaiga Punaoa o Talafaasolopito (2025)
Sini Kilipati
(1789–1834)
Na soifua mai Sini Kilipati i New Haven, Connecticut. Na faaipoipo ia Elisapeta Van Benthusen i le 1823 ma mulimuli ane siitia i Katelani, Ohio. I le 1827, na la toalua ma Newel K. Whitney i le faleoloa o le N. K. Whitney & Co. i Katelani. Na papatisoina o ia i Le Ekalesia a Iesu Keriso o le Au Paia o Aso e Gata Ai, i le tautotogo i le 1831 ma faauuina ai o se toeaina ia Iuni. O le masina lava lea na tofia ai ia o se sui o le Ekalesia, ma le tofiga e faatuina se faleoloa ma faatau mai fanua i Misuri (Mataupu Faavae ma Feagaiga 53:4; 57:6, 8–9; 64:18; 101:96). Na ia siitia atu i Initipene, Misuri, i le faaiuga o le tausaga. Ia Aperila 1832, na faauuina ai o ia o se faitaulaga sili e Iosefa Samita ma tofia ai o se tasi o le toafitu faitaulaga sili e pule faamalumalu i mataupu a le Ekalesia atoa i Misuri. Na avea o ia ma sui o Kamupani Soofaatasi i le masina lava e tasi (Mataupu Faavae ma Feagaiga 82:11). Mulimuli ane sa ia auauna atu i se misiona i Sasae o le Iunaite Setete. Ia Novema 1833, na saisaitia ma faafalepuipui mo sina taimi puupuu i Initipene ona tuliesea lea ma le Au Paia mai le Itumalo o Siakisone i le Itumalo o Clay, Misuri. Na ia auauna atu e faatulaga tagata o le Tolauapiga a Isaraelu i le malaga atu i Misuri i le 1834, ma na maliu i le cholera i le Itumalo o Clay.
Mau faasino i le Mataupu Faavae ma Feagaiga