Viliamu Law

(1809–92)

Viliamu Law, ata.

Sa soifua a’e Viliamu Law i le Itumalo o Tyrone, Aielani, i le 1809. Na faaipoipo atu i a Sieni Silverthorn i le 1833 i Ioka, Kanata i Luga. I le 1837, na papatiso ai Law i Le Ekalesia a Iesu Keriso o le Au Paia o Aso e Gata Ai. Mai le 1837 i le 1838, sa avea ai o ia ma toeaina pulefaamalumalu o le paranesi o le Ekalesia i Churchville, Kanata. I le 1839 sa siitia atu ai i Komesi, Ilinoi, lea na faaaigoa mulimuli o Navu. Ia Ianuari 1841, na faatonuina ai o ia i se faaaliga e faatauina oloa mo le fausia o le Maota o Navu (Mataupu Faavae ma Feagaiga 124:82). Mai le 1841 i le 1844, na auauna atu ai o se fesoasoani i le AuPeresitene Sili i Navu (tagai i le Mataupu Faavae ma Feagaiga 124:126). I le taimi lena, na auauna atu ai foi i sana misiona i Philadelphia, ma sa tautua i le tele o tulaga faalenuu. Ia Ianuari 1844, na aveesea ai Law mai le Au Peresitene Sili, ma sa tapeina lona igoa ia Aperila o le tausaga lava lena. O ia faatasi ma isi tagata tetee sa faavaeina se ekalesia fou, ma sa avea Law ma se tasi o tagata na lomia le nusipepa tetee le Navu Expositor.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga moni ma punaoa, O Pepa a Iosefa Samita

Au Paia, vol. 1, O Le Tagavai o le Upumoni

O Faaaliga i le Talaaga

• E Tele Atu Oloa Nai Le Tasi

Tagai i le Viliamu Law i le FamilySearch