Mataupu Faavae ma Feagaiga Punaoa o Talafaasolopito: Heber C. Kimball, Mataupu Faavae ma Feagaiga Punaoa o Talafaasolopito (2025)
Heber C. Kimball, Mataupu Faavae ma Feagaiga Punaoa o Talafaasolopito (2025)
Heber C. Kimball
(1801–68)
Heber C. Kimball, atapue o le ata ta, Potutusi o Talafaasolopito o le Ekalesia, PH 2853.
Na fanau Heber C. Kimball i Sheldon, Vermont. Sa ia faaipoipo ia Vilate Murray i le 1822. I le 1832, na papatisoina ai o ia i Le Ekalesia a Iesu Keriso o le Au Paia o Aso e Gata Ai ma faauuina o se toeaina. I le 1833 na ia siitia atu i Katelani Ohaio, ma i le 1834 sa auai o ia le malaga a le Tolauapiga a Isaraelu i Misuri. Sa faauuina o ia e avea o se sui o le Korama a Aposetolo e Toasefululua i le 1835.
I le va o le 1836 ma le 1843, sa ia auauna atu ai i ni misiona se tolu i sasae o le Iunaite Setete. Sa ia pulefaamalumalu foi i le misiona muamua i Peletania Tele i le 1837–38 ma toe foi atu iina o se faifeautalai i le 1839–41. Sa ia fesoasoani e vaaia le avaeesea o le Au Paia o Aso E Gata Ai mai Misuri i le 1838–39. Ina ua tuua Misuri, na mulimuli ane ia siitia atu i Commerce, Ilinoi, lea na toe faaigoa mulimuli ane o Navu.
I Navu, sa galue Kimball i le Malumalu o Navu ma auauna atu i le Aufono a le Limagafulu. I le 1846–47 na malaga atu ai Kimball i le ua avea nei o le Teritori o Iuta. Na lagolagoina o ia o se Fesoasoani Muamua ia Polika Iaga i le Au Persitene Sili ia Tesema 1847.
Mau faasino i le Mataupu Faavae ma Feagaiga