Alavini Samita

(1798–1823)

Na fanau i Tunbridge, Vermont, i le 1798, o Alavini Samita o le tama muamua lea na ola a Iosefa Samita le Matua. ma Lusi Mack ma o le uso matua o Iosefa Samita le Itiiti. I le taimi o le taumalulu o le 1816–1817 na ia siitia atu ma lona aiga i Palmyra, Niu Ioka. Sa ia fesoasoani e faaatulaga le faatoaga a le aiga ma vaaia le fauina o le fale o le au Samita i Manaseta, Niu Ioka. Sa mautu lona talitonuga i faaaliga faalelagi a Iosefa Samita ma uunaia lona uso ia faamaoni ina ia mafai ona ia maua ma aumai i le Tusi a Mamona. Na maliu o ia ina ua maea se faalavelave faafuasei faafomai ia Novema 1823. Na manatua Alavini o se e alofa, agalelei, ma tamalii, o se tagata e leai se pepelo.

I le 1836, na maua ai e Iosefa Samita se faaaliga o le lalolagi selesitila, ma vaaia ai Alavini iina e ui lava na maliu o ia ae lei toefuataiga mai le Ekalesia ma le perisitua ma e lei papatisoina foi i lena pule (Doctrine and Covenants 137).

Mau faasino i le Mataupu Faavae ma Feagaiga

Mataupu Faavae ma Feagaiga 137

Faamatalaga Faaopoopo

Talaaga Moni ma punavai, O Pepa a Iosefa Samita

Au Paia, vol. 1, O Le Tagavai o le Upumoni

O Faaaliga I Le Talaaga

• O Le Lagolago a Iosefa Samita i le Fale

Tagai i le FamilySearch mo Alavini Samita