Punaoa o Talafaasolopito o le Mataupu Faavae ma Feagaiga: Sepetaia Coltrin, Punaoa o Talafaasolopito o le Mataupu Faavae ma Feagaiga (2025)
Sepetaia Coltrin, Punaoa o Talafaasolopito o le Mataupu Faavae ma Feagaiga (2025)
Sepetaia Coltrin
(1804– 87)
Sepetaia Coltrin, pe tusa o le 1865, ata i le ata o malala, Potutusi o Talaafaasolopito o le Ekalesia, PH 1700 3734.
Sa soifua a’e Sepetaia Coltrin i Ovid, Niu Ioka, i le 1804. Sa faaipoipo atu i a Julia Ana Jennings ia Oketopa 1828. Ia Ianuari 1831 na papatiso ai o ia i Le Ekalesia a Iesu Keriso o le Au Paia o Aso e Gata Ai ma faauu ai o se toeaina. Ia Iuni 1831, na valaauina ai e ala mai i faaaliga e auauna atu i se misiona faatasi ma Levi Hancock (Mataupu Faavae ma Feagaiga 52:29). I le gasologa o le 1831 ma le 1832, na auauna ai i ni misiona tala’i i Misuri, Ilinoi, Indiana, Michigan, ma Ohaio. O le tausaga na sosoo ai, sa auai ai i fonotaga faalefaavae a le Aoga a le Au Perofeta i Katelani, Ohaio. I le faagasologa o se tasi o nei fonotaga, na vaaia ai e ia ma isi ia Iesu Keriso ma agelu; na manatua foi mulimuli e Coltrin e faapea na o latou vaai i le Tama Faalelagi. I le mae’a ai ona auauna atu i ni misiona i sasae o le Iunaite Setete ma Kanata, na savali ai Coltrin mai Ohaio i Misuri o se vaega o le Tolauapiga a Iaraelu i le 1834. I le toefoi ai i Katelani, na tofia ai o ia o le peresitene o le Korama Muamua a Fitugafulu i a Fepuari 1835 ae na toe tofia i le korama a faitaulaga sili ia Aperila 1837. Ia Fepuari 1843, lua tausaga talu le maliu o lona faletua muamua, na faaipoipo atu ai Coltrin i a Maria Mott. O le masina o Iuni na sosoo ai sa nofo ai o ia i Navu, Ilinoi. I le 1847 na malaga atu ai loa i le Vanu o Sate Leki i le Teritori o Iuta faatasi ma le Aupaia.
Mau faasino i totonu o le Mataupu Faavae ma Feagaiga