Mataupu Faavae ma Feagaiga Punaoa o Talafaasolopito: Siaosi A. Samita, Mataupu Faavae ma Feagaiga Punaoa o Talafaasolopito (2025)
Siaosi A. Samita, Mataupu Faavae ma Feagaiga Punaoa o Talafaasolopito (2025)
Siaosi A. Samita
(1817–75)
Siaosi A. Samita, ca. 1867, ata pue e Edward Martin, Church History Library, PH 5095.
O Siaosi A. Samita, o se tausoga o Iosefa Samita le Itiiti. ma o le tama o lona tama sa Peresitene o le Ekalesia, o Siaosi Alapati. Samita na fanau i Potsdam, Niu Ioka, i le 1817. Ia Setema 1832, na papatisoina ai o ia i Le Ekalesia a Iesu Keriso o le Au Paia o Aso e Gata Ai i Potsdam. O le tausaga na sosoo ai, na siitia atu ai i Katelani, Ohio,ma galue ai i le Malumalu o Katelani. I le 1834 na ia savali mai Ohio i Misuri o se vaega o le malaga a le Tolauapiga a Isaraelu. I le 1835, na faauuina ai o se Fitugafulu, ma na la toalua ma Lyman Samita i se misiona i le itu i sasae o le Iunaite Setete. I le 1838 na siitia atu o ia i Sisifo Mamao Misuri ma i se taimi mulimuli ane i Atamu-onai-Amani, Misuri, o iina na auauna atu ai i le aufono maualuga. I le 1839 na faauuina ai Samita o se sui o le Korama a Aposetolo e Toasefululua ina ua maea na ia auauna atu i se misiona i Egelani seia oo i le 1841. I le tausaga lena na ia faatasi atu ai i le Au Paia o Aso e Gata Ai i Navu, Ilinoi ma faaipoipo ai ia Bathsheba W. Bigler. Sa avea o ia ma sui o le Aufono a le Limagafulu. Sa auauna atu foi o ia o se tausi mavaega o le Fale Mafutaga o Navu. Ia Ianuari 1847, i se faaaliga na tofia o ia e fesoasoani e vaaia le malaga atu o le Au Paia o Aso e Gata Ai i le Teritori o Iuta (Mataupu Faavae ma Feagaiga 136:14). I Iuta na tofia o ia o se tusi talafaasolopito a le ekalesia ma se tusitala faamaumau, ma i le 1868 na avea o ia ma Fesoasoani Muamua ia Polika Iaga i le Au Peresitene Sili.
Mau faasino i le Mataupu Faavae ma Feagaiga