Mataupu Faavae ma Feagaiga Punaoa o Talafaasolopito: Ioane Uitimera Mataupu Faavae ma Feagaiga Punaoa o Talafaasolopito (2025)
Ioane Uitimera, Mataupu Faavae ma Feagaiga Punaoa o Talafaasolopito (2025)
Ioane Uitimera
(1802–78)
Ioane Uitimera, ca. 1870, atapue, Potutusi o Talafaasolopito o le Ekalesia, PH 1700 77.
O Ioane Uitimera na fanau i Pennsylvania. Na papatiso o ia i le Itumalo Seneca, Niu Ioka, ia Iuni 1829. Sa auauna atu Uitimera o se tusiupu a Iosefa Samita i le taimi o le faaliliuina o le Tusi a Mamona ma le faaliliuga fou o le Tusi Paia, ma o ia o se tasi o le toavalu o Molimau o le Tusi a Mamona. O le tele o faaaliga na tuusao atoa mai po o se vaega ia Uitimera (Mataupu Faavae ma Feagaiga 15; 26; 30). Ia Tesema 1830 na ia toe siitia atu ai mai Niu Ioka i Katelani, Ohaio. I le 1831 na tofia ai o ia ma Tusitala Faasolopito a le Ekalesia (Mataupu Faavae ma Feagaiga 47) ma amata ai le tusiaina o Talafaasolopito O Le Ekalesia a Iesu Keriso o le Au Paia o Aso e Gata Ai (Mataupu Faavae ma Feagaiga 69). Sa faaipoipo atu ia Sarah Maria Jackson i le 1833. I le 1834, sa tofia ai o ia i le au peresitene o le Ekalesia i Misuri. Na ia mulimuli ane auauna atu o se tusitala o le Au Paia o Aso e Gata Ai ma avefeau ma fautua, ma i le 1836 i le 1837, na ia fesoasoani ai i le Au Paia o Aso e Gata Ai e fausia se mea e nonofo ai i Sisifo Mamao, Misuri. Ae ui i lea, na tape lona igoa (mai le Ekalesia) ia Mati 1838 ma tuliese mai Sisifo Mamao ia Iuni na sosoo ai.
Mau faasino i le Mataupu Faavae ma Feagaiga