Punaoa o Talafaasolopito o le Mataupu Faavae ma Feagaiga: Osona Palate, Punaoa o Talafaasolopito o le Mataupu Faavae ma Feagaiga (2025)
Osona Palate, Punaoa o Talafaasolopito o le Mataupu Faavae ma Feagaiga (2025)
Osona Palate
(1811–81)
Osona Palate, ata pu’e, Potutusi o Talafaasolopito o le Ekalesia, PH 4258.
Sa soifua a’e Osona Palate i Hartford, Niu Ioka. Sa papatisoina o ia i le Ekalesia a Iesu Keriso o le Au Paia o Aso e Gata Ai e lona uso o Pale ia Setema 1830. Ia Tesema sa faauuina ai o ia o se toeaina ma tofia ai e auauna atu i se misiona i Colesville, Niu Ioka. I le 1831, sa ia siitia atu ai i Katelani, Ohaio. I le mavae ai ona valaauina e ala i faaaliga (Mataupu Faavae ma Feagaiga 52:26; 75:13; 103:40), sa ia auauna mulimuli ane i misiona i Misuri, i sasae o le Iunaite Setete (faalua), i Kanata i Luga, ma i Peretania Tele.
I le 1834 sa auai ai Osona Palate i le faigamalaga a le Tolauapiga a Isaraelu i Misuri. I le tausaga na sosoo ai, na faauuina ai o ia o se sui o le Korama a Aposetolo e Toasefululua. I le 1836 sa ia faaipoipo ai i a Sara Marina Pate. I a Aukuso 1842, a o nofo ai i Navu, Ilinoi, sa tapeina ai lona igoa mai le Ekalesia, ae o Ianuari na sosoo ai sa toe papatisoina ai ma toe faauuina i lona tulaga i le Korama a le Toasefululua.
O Palate sa iai o se sui o le kamupani paionia a Polika Iaga ina ua malaga ese atu le Aupaia i Iuta i le 1847 (tagai i le Mataupu Faavae ma Feagaiga 136:13). Sa pulefaamalumalu o ia i le Ekalesia i Peretania Tele mai le 1848 i le 1849 ma mai le 1856 i le 1857. I le 1847, sa tofia ai loa o se Tausi Talafaasolopito o le Ekalesia. Sa totonugalemu o ia i le toe faafouga lea na maua ai le lomiga o le 1876 o le Mataupu Faavae ma Feagaiga.
Mau faasino i totonu o le Mataupu Faavae ma Feagaiga