Talafaasolopito o le Ekalesia
Mataupu Faavae ma Feagaiga Punaoa o Talafaasolopito: Ailama Samita

Mataupu Faavae ma Feagaiga Punaoa o Talafaasolopito: Ailama Samita, Mataupu Faavae ma Feagaiga Punaoa o Talafaasolopito (2025)

Ailama Samita, Mataupu Faavae ma Feagaiga Punaoa o Talafaasolopito (2025)

Ailama Samita

(1800–44)

ata ta o Ailama Samita.

Ailama Samita, atapue o le ata na ta i le fale pueata o Frederick Piercy, Charles R. Savage Studio, Church History Library, PH 4521.

O Ailama Samita , o se uso matua o Iosefa Samita le Itiiti., na fanau i Tunbridge, Vermont. Na faaipoipo atu Ailama ia Jerusha Barden i le 1826. Na papatiso o ia e Iosefa Samita ia Iuni 1829, o se tasi o Molimau e Toavalu o le Tusi a Mamona, ma o se tasi o le toaono muamua O Le Ekalesia a Iesu Keriso o le Au Paia o Aso e Gata Ai, na faatulagaina i le aso 6 o Aperila 1830 O le tele o nisi faaaliga muamua na tuusao atu ia te ia (Mataupu Faavae ma Feagaiga 11; 23). Na siitia atu ma le Au Paia i Katelani, Ohio, i le 1831. I le 1831–1832, e ala mai se faaaliga na valaauina ai o ia i se misiona (Mataupu Faavae ma Feagaiga 52:8; 75:32). I le 1834 na ia savali mai Ohio i Misuri o se vaega o le malaga a le Tolauapiga a Isaraelu (tagai i le Doctrine and Covenants 103:39).

I se taimi ina ua mavae le maliu o lona toalua muamua i le 1837, na ia faaipoipo ai ia Mary Fielding. Ma i le 1837, na tofia ai o se fesoasoani lua i le Au Peresitene Sili (tagai i le Mataupu ma Feagaiga 115:1). Na ia malaga atu i Misuri i le 1838. I lena taumalulu, na faafalepuipuiina ai o ia ma Iosefa Samita ma isi i le falepuipui i Liperate, Misuri. Na mulimuli ane siitia o atu i Navu, Ilinoi.

Na suitulaga Ailama i lona tama o se peteriaka i le Ekalesia i le 1840. Ia Ianuari 1841, o se faaaliga e faamalolo mai Ailama mai lona tulaga o se fesoasoani ma faaigoa o ia o se perofeta, tagatavaai, ma tali faaaliga i le Au Peresitene Sili (Mataupu Faavae ma Feagaiga 124:91–96). Na faamaturoina Ailama ma lona uso o Iosefa Samita i Carthage, Ilinoi, ia Iuni 1844 (Mataupu Faavae ma Feagaiga 135). O Ailama na i ai faatasi ma tagata tauoloa o lona atalii o Iosefa F. Samita na vaai i le lalolagi o agaga i lana faaaliga i le 1918 (Mataupu Faavae ma Feagaiga 138:53).

Mau faasino i le Mataupu Faavae ma Feagaiga

Mataupu Faavae ma Feagaiga 11, 23, 53, 75, 94, 103, 111, 112, 115, 124, 135, 138