Punaoa o Talafaasolopito o le Mataupu Faavae ma Feagaiga: Viliamu E. McLellin, Punaoa o Talafaasolopito o le Mataupu Faavae ma Feagaiga (2025)
Viliamu E. McLellin, Punaoa o Talafaasolopito o le Mataupu Faavae ma Feagaiga (2025)
Viliamu E. McLellin
(1806–83)
Viliamu E. McLellin, 1867, ata pu’e, Potutusi o Talafaasolopito o le Ekalesia, PH 1700 3737.
Sa soifua a’e Viliamu E. McLellin i le Itumalo o Samita, i Tennessee, i le 1806. Na papatisoina o ia i le Ekalesia a Iesu Keriso o le Au Paia o Aso e Gata Ai i le Itumalo o Siakisone, Misuri, i le taumafanafana o le 1831, ona malaga atu ai lea i Hiram, Ohaio, lea na ia uluai feiloai ai i a Iosefa Samita. O iina, na tuuina mai ai e Iosefa Samita le faaaliga lea na taliina ni fesili se lima sa iai a McLellin (Mataupu Faavae ma Feagaiga 66), aemaise foi o le isi lea na saunia ai le afioga a le Alii i a McLellin, Orson Hyde, Luke Johnson, ma Lyman Johnson (Mataupu Faavae ma Feagaiga 68). I le sosoo ai ma ni misiona talai pupuu se lua, na siitia atu ai ma lona toalua, o Emeline Mila, i Initipene, Misuri. I a Tesema 1832, na tapeina ai lona igoa mai le Ekalesia mo mafuaaga e le iloa. E ui i lea, na vave ona toe taliaina o ia ma valaauina ai e toalua ma Pale P. Palate i se misiona i Misuri ma Ilinoi. I le 1835, na faauuina ai o ia o se sui o le Korama a Aposetolo e Toasefululua. I le 1838, na toe tapeina ai lona igoa, ina ua mavae lena tulaga sa ia faatasi atu i vaega eseese lea sa taitaia e ni tagata na vavae ese mai le Ekalesia.
Mau faasino i totonu o le Mataupu Faavae ma Feagaiga