Punaoa o Talafaasolopito o le Mataupu Faavae ma Feagaiga: Viliamu W. Phelps

Punaoa o Talafaasolopito o le Mataupu Faavae ma Feagaiga: Viliamu W. Phelps Punaoa o Talafaasolopito o le Mataupu Faavae ma Feagaiga (2025)

Viliamu W. Phelps, Punaoa o Talafaasolopito o le Mataupu Faavae ma Feagaiga (2025)

Viliamu W. Phelps

(1792–1872)

Ata Pue o William W. Phelps — Viliamu W. Phelps, pe tusa o le 1865, ata na saunia e Salesa R. Savage, Potutusi o le Talafaasolopito o le Ekalesia, PH 1700 4495.

Sa soifua a’e Viliamu W. Phelps i Hanova, New Jersey i le 1792. Sa faaipoipo atu i a Sally Waterman i le 1815. I a Iuni 1831, na papatisoina ai Phelps i Le Ekalesia a Iesu Keriso o le Au Paia o Aso e Gata Ai ma faauuina ai o se toeaina i Katelani, Ohaio. O le masina na sosoo ai, na tofia ai o se lomitusi a le Ekalesia (Mataupu Faavae ma Feagaiga 57:11). I le taufaaiuiuga o le 1831, na siitia atu ai i Initipene, Misuri, lea na faatonu ai o le O le Fetu o le Taeao ma le Afiafi ma le Upper Missouri Advertiser. Na avea Phelps ma sui o le Literary Firm i le 1831 (Mataupu Faavae ma Feagaiga 70) ma o se sui o le Kamupani Soofaatasi i le 1832 (Mataupu Faavae ma Feagaiga 82). I a Novema 1833, i le fa ai o masina talu ona faatama’ia e tagata faatupu faalavelave le ofisa o le falelomitusi o le Ekalesia i Initipene, na toe siitia atu ai loa Phelps ma isi Aupaia o Aso e Gata Ai i le Itumalo o Clay, Misuri. Sa filifilia o ia e avea ma faufautua poo se fesoasoani i a Tavita Uitimera, o le Peresitene o le Ekalesia i Misuri, ia Iulai 1834. Na toe foi atu Phelps i Katelani i le 1835, lea na ia fesoasoani ai i le tuufaatasia o le Mataupu Faavae ma Feagaiga ma le uluai tusipese a le Ekalesia. Ona toe siitia atu ai lea i Misuri i le 1836. I le va o le 1838 ma le 1840, na tape faalua ai lona igoa ma na toe fuataiina faalua i totonu o le Ekalesia. I a Novema 1842, na siitia atu o ia i Navu, Ilinoi, lea na ia fesoasoani ai e faatonu le nusipepa o le Taimi ma Vaitau ma le Tuaoi o Navu ma fesoasoani ai i a Uiliata Risati i le tusiaina o le talafaasolopito o Iosefa Samita. Na malaga atu o ia i le Teritori o Iuta i le 1848.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 55, 57, 58, 61, 67, 70, 82, 85