Mataupu Faavae ma Feagaiga Punaoa o Talafaasolopito: Iosefa Samita le Matua, Mataupu Faavae ma Feagaiga Punaoa o Talafaasolopito (2025)
Iosefa Samita le Matua, Mataupu Faavae ma Feagaiga Punaoa o Talafaasolopito (2025)
Iosefa Samita le Matua
(1771–1840)
Iosefa Samita le Matua., 1972, penitala i luga o le pepa, William Whitaker, Falemataaga oTalafaasolopito o le Ekalesia
O Iosefa Samita le Matua na fanau i Topsfield, Massachusetts, i le 1771. I le 1796, na faaipoipo ai ia Lucy Mack i Tunbridge, Vermont. O ia na tuuina atu i ai faaaliga na muamua mai (Mataupu Faavae ma Feagaiga 4). Ia Iuni 1829, o ia o se tasi o le Toavalu o Molimau o le Tusi a Mamona ma i le tausaga na sosoo ai, i le aso 6 Aperila 1830 na ia papatiso ai i le Ekalesia a Iesu Keriso o le Au Paia o Aso e Gata Ai i Seneca, Niu Ioka. I le 1831 na ia siitia atu ai i Katelani, Ohaio, o iina na faauu ai o ia ma faitaulaga sili, auai i le Aoga a Perofeta, auauna atu i le aufono maualuga a Katelani (Mataupu Faavae ma Feagaiga 102:3), ma na valaauina o se peteriaka ma se fesoasoani i le perisitene o le Ekalesia. I le 1836 na la toalua ma Iona uso laititi o Ioane Samita i se misiona i le itu i sasae o le Iunaite Setete. Na siitia atu o ia i Sisifo Mamao, Misuri, ia Me i le 1838, i Quincy, Ilinoi, ia Fepuari 1839, ona alu ai lea i Navu, Ilinoi i le tautotogo. O le tausaga na sosoo ai, na maliu ai o ia i Navu.
Mau faasino i le Mataupu Faavae ma Feagaiga