Samuelu Rolfe

(1794–1867)

Sa soifua a’e Samuelu Rolfe i Concord, New Hampshire, i le 1767. Sa ia faaipoipo atu i a Elisapeta Hathaway i le 1818. Na papatisoina Rolfe i le Ekalesia a Iesu Keriso o le Au Paia o Aso e Gata Ai i le 1835. I a Mati o le tausaga lava lena, sa ia siitia atu ai i Katelani, Ohaio. O le lua tausaga mulimuli ane, sa nofo ai i le itumalo o Caldwell, i Misuri. I le 1841 sa siitia atu ai i Navu, Ilinoi, lea sa avea ai ma peresitene o le korama a ositaulaga i Navu. I le 1845, sa faauuina ai Rolfe o se faitaulaga sili. Mai le 1846 i le 1847, sa avea ai ma epikopo i Winters Quarters, lea na avea mulimuli o Nebraska. O le fa tausaga talu ona malaga atu i le Vanu o Sate Leki, i le Teritori o Iuta, na faamautu ai loa Rolfe i le aai o San Bernardino, Kalefonia, i le 1851. Sa ia auauna atu i le auperesitene o le siteki i le Itumalo o Los Angeles. Sa ia toe foi atu i le Teritori o Iuta i se taimi a o le’i maliu o ia i le 1867.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga moni ma punaoa, O Pepa a Iosefa Samita

Samuelu Rolfe i Faamaumauga o Talaaga i le Talafaasolopito o le Ekalesia

Tagai i le Samuelu Rolfe i le FamilySearch