Mataupu Faavae ma Feagaiga Punaoa o Talafaasolopito: Tavita Uitimera Mataupu Faavae ma Feagaiga Punaoa o Talafaasolopito (2025)
Tavita Uitimera, Mataupu Faavae ma Feagaiga Punaoa o Talafaasolopito (2025)
Tavita Uitimera
(1805–88)
Tavita Uitimera, ca. 1865, Ata pue e Jacob T. Hicks, Kopi e Charles W. Carter, Potutusi o Talafaasolopito o le Ekalesia, PH 5176.
O Tavita Uitimera na fanau latalata i Harrisburg, Pennsylvania. Na tele sona sao i le fesoasoani ia Iosefa Samita e faamaea le faaliliuina o le Tusi a Mamona. Ina ua maea lona papatisoga ia Iuni 1829, o Uitimera o se tasi o Molimau e Toatolu o le Tusi a Mamona, ma na ia auai mulimuli ane ina ua faavaeina aloaia Le Ekalesia a Iesu Keriso o le Au Paia o Aso e Gata Ai i le aso 6 Aperila, 1830. O le tele o faaaliga i le amataga na tuuina sao mai i ni vaega ia Uitimera (Mataupu Faavae ma Feagaiga 14; 17; 18; 30). I le 1831, na faaipoipo atu ai ia Julia Ann Jolly. O le tausaga lava lea na la siitia atu ai i Katelani, Ohio, ona o ai lea i le Itumalo o Siakisone Misuri (Mataupu Faavae ma Feagaiga 52:25). Ia Iulai 1834, na tofia ai Uitimera o se peresitene o le Ekalesia i Misuri, ae na toe aveesea mai ia te ia lea tofiga ia Fepuari 1838. Na tape lona igoa ia Aperila na sosoo ai ona tuliesea lea o ia mai Sisifo Mamao, Misuri, ia Iuni. I ni tausaga na mulimuli mai, na ia auai ai mo sina i le ekalesia sa faatuina e se aposetolo faamalolo o William E. McLellin, ma i le 1875 na faatuina ai e Uitimera le Ekalesia a Keriso (Whitemerite).
Mau faasino i le Mataupu Faavae ma Feagaiga