Mataupu Faavae ma Feagaiga Punaoa o Talafaasolopito: Iosefa Iaga, Mataupu Faavae ma Feagaiga Punaoa o Talafaasolopito (2025)
Iosefa Iaga, Mataupu Faavae ma Feagaiga Punaoa o Talafaasolopito (2025)
Iosefa Iaga
(1797–1881)
Iosefa Iaga, maea le 1847, atapue, Potutusi o Talafaasolopito o le Ekalesia, PH 1700 3768.
O se uso matua o Polika Iaga, na fanau Iosefa Iaga i Hopkinton, Massachusetts. Na papatiso o ia i Le Ekalesia a Iesu Keriso o le Au Paia o Aso e Gata Ai ma faauuina o se toeaina ia Aperila i le 1832. I le tausaga lea, na ia auauna atu ai i se misiona i Niu Ioka ma Upper Canada. I le tautoulu i le 1832, na ia siitia atu ai i Katelani, Ohio, ina ua maea lea na ia auauna atu i se misiona lona lua i Upper Canada. Sa ia faaipoipo ia Jane Bicknell i le 1834. Mulimuli ane i lena tausaga, sa auai o ia le malaga a le Tolauapiga a Isaraelu. I le 1835 na faauuina ai Iaga o se Fitugafulu, ma sa tofia o se peresitene o le Korama Muamua a Fitugafulu, ma auauna atu i se misiona i sasae o le Iunaite Setete. Sa i ai foi ana saofaga i le Sosaiete o le Saogalemu o Katelani. Na siitia atu Iaga i Misuri i le 1838, lea na ia molimauina ai le fasiotiga tagata i le fale ili laupapa a Hawn ao lei faatasi atu ma le Au Paia ua tutuli ese mai le setete. I le 1840, sa ia nofo ai i Navu, Ilinoi. O iina i le 1844, sa tofia ai o ia o le “peresitene muamua o Korama uma o Fitugafulu.” Sa talia foi o ia i le Aufono a le Limagafulu i le tausaga na sosoo ai. Mai le 1846 i le 1850, sa ia nofo ai i Winter Quarters (mulimuli ane i Omaha, Nebraska), ma i Carterville, Iowa. Na ia malaga atu i le Teritori o Iuta i le 1850.
Mau faasino i le Mataupu Faavae ma Feagaiga