Punaoa o Talafaasolopito o le Mataupu Faavae ma Feagaiga: Osona Haite, Punaoa o Talafaasolopito o le Mataupu Faavae ma Feagaiga (2025)
Osona Haite, Punaoa o Talafaasolopito o le Mataupu Faavae ma Feagaiga (2025)
Osona Haite
(1805–78)
Osona Haite, pe tusa o le. 1852, ata na saunia e Marsena Cannon, Potutusi o le Talafaasolopito o le Ekalesia, PH 100.
Sa soifua a’e Osona Haite i Oxford, Connecticut, i le 1805. Sa papatisoina o ia i Katelani, Ohaio, ia Oketopa 1831 ma sa faauuina o se faitaulaga sili i se taimi mulimuli ane. I le 1832, i le mae’a ai ona valaauina e ala i faaaliga (Mataupu Faavae ma Feagaiga 75:13), sa la lauga atu ai i sasae o le Iunaite Setete ma Samuelu Samita. Mulimuli ane, sa toe foi atu ai Haite i Katelani, lea sa ia auai ai i le Aoga a Perofeta, sa tofia o se failautusi i a Iosefa Samita ma ona fesoasoani, ma avea ai ma sui o le aufono maualuga a Katelani (Mataupu Faavae ma Feagaiga 102:3). I le 1834 sa tofia ai Haite e ala mai i faaaliga e faafaigaluegaina tupe ma tagata mo le faigamalaga a le Tolauapiga a Isaraelu (Mataupu Faavae ma Feagaiga 103:40). Sa ia auai i le faigamalaga a le Tolauapiga a Isaraelu, savavali mai Ohaio i Misuri, mulimuli ane ai i le tausaga lena. O le tausaga lava lea, sa ia faaipoipo ai i a Marina Nancy Ioanesone. I le 1835, na faauuina ai Haite o se sui o le Korama a Aposetolo e Toasefululua. I le va o le 1836 ma le 1838, sa ia auauna atu ai i ni misiona i Niu Ioka, Kanata i Matu, ma Egelani, o le mae’a ai o na misiona sa ia toe siitia atu ai i Sisifo Mamao, Misuri. Sa aveesea o ia mai le Toasefululua i a Me 1839 ae na toe fuatai i lona tulaga i le masina na sosoo ai. Mai i le 1840 i le 1842, sa ia auauna ai i se misiona i le nofoaga sa lauga ai i sasae o le Iunaite Setete ma Europa ma faapaiaina Palesitina mo le faapotopotoina o tagata Iutaia. Ona nofo ai lea i Navu, Ilinoi. Sa ia auauna atu i se isi misiona i Peretania Tele i le 1846 ma le 1847. Sa ia malaga atu i le Teritori o Iuta i le 1852.
Mau faasino i totonu o le Mataupu Faavae ma Feagaiga