Alpheus Cutler

(1784–1864)

Na fanau Alpheus Cutler i Plainfield, New Hampshire, i le 1784. Na ia faaipoipo ia Lois Lathrop o Lepanona, New Hampshire, i le 1808. Na papatisoina, Cutler ia Ianuari 1833 i Le Ekalesia a Iesu Keriso o le Au Paia o Aso e Gata Ai i le Itumao Chautauque, Niu Ioka. I le tausaga na sosoo ai, na ia siitia atu ai i Katelani Ohio, lea na ia galue ai i le Malumalu o Katelani ma auauna atu i le aufono maualuga i Katelani. Na siitia atu Cutler i le 1836 i le Itumalo o Ray, Misuri, ma i le 1838 na ia siitia atu i le Itumalo Caldwell, i Misuri. E oo atu i le taumafanafana o le 1839, ua ia siitia atu i Commerce, Ilinoi, lea na toe faaigoa mulimuli ane o Navu. O iina na avea ai ma sui o le aufono maualuga ma le komiti o le fausiaina o le malumalu. I le aluga o le 1841 ma le 1842, na ia auauna atu ai i se misiona i le Teritori o Wisconsin e maua mai ai laupapa mo le fausiaina o le Malumalu o Navu. Ina ua ia toe foi atu i Navu, na avea ai loa Cutler ma sui o le Aufono o le Limagafulu. Ia Aperila 1845, na filifilia ai loa o ia ma peresitene o le taulaga o Navu. O le tausaga na sosoo ai, na ia taitaia le vaetolu o se vaega o Au Paia o Aso e Gata Ai e o ese atu ma Navu. Na ia filifilia se vaega o Winter Quarter i le Teritori e lei faatulagaina o le Iunaite Setete (mulimuli ane i Omaha, Nebraska) e nonofo le tumau ai le Au Paia. Ia Aperila 1851, na tape ai le igoa o Cutler. Lua tausaga na sosoo ai, na ia faavaeina le Ekalesia a Iesu Keriso (Cutlerite) i le Itumalo o Fremont, Aioua.

Mau faasino i le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga Moni ma punavai, O Pepa a Iosefa Samita

Au Paia, vol. 1, O Le Tagavai o le Upumoni

O Alpheus Cutler i le Talafaasolopito o le Ekalesia ma Utuofaamatalaga

Tagai i le FamilySearch mo Alpheus Cutler