Henry G. Sherwood

(1785–1867)

O Henry G. Sherwood na fanau i Kingsbury, Niu Ioka, i le 1785. Sa ia faaipoipo ia Jane J. McManagal (o le isi sipelaga McMangle) e tusa o le 1824. Na papatisoina Sherwood i lLe Ekalesia a Iesu Keriso o le Au Paia o Aso e Gata i le 1832, ina ua faauuina o ia o se toeaina. Pe tusa e lua tausaga na sosoo ai, na siitia atu ai o ia i Katelani, Ohio, o iina na auauna atu ai i le aufono maualuga. Sa toe faaipoipo atu o ia ia Marcia Abbott pe tusa o le 1835. O le tausaga na sosoo ai, na auauna atu ai Sherwood i se misiona i Ohaio, Kentucky, ma Tennessee. Sa fai saofaga foi o ia i le Sosaiete Saogalemu o Katelani. le 1839 sa ia fesoasoani e vaaia le avaeesea o le Au Paia o Aso E Gata Ai mai Misuri. I le tausaga lava lea, na ia siitia atu ai i Commerce, Ilinoi, lea na mulimuli ane toe faaigoa Navu, o iina na tofia ai o ia o se sui o le aufono maualuga a Navu. Sa tofia foi o ia e le aufono maualuga a Navu e vaaia le faatauina o poloka fanua i Commerce. Ia Ianuari 1841, o se faaaliga na faatonuina ai o ia e fesoasoani e faatau mai oloa mo le fauina o le Fale o Navu (Mataupu Faavae ma Feagaiga 124:81). I le 1847 na ia malaga atu i le Vanu o Sate Leki , i le Teritori o Iuta. I le 1852 ma auauna atu ai i se misiona faakolone i San Bernardino, Kalefonia. Na ia toe foi atu i le Teritori o Iuta i le 1855 ma ia le toe lagolagoina ia le Ekalesia i se taimi mulimuli ane.

Mau faasino mai i le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga Moni ma punavai, O Pepa a Iosefa Samita

O Henry G. Sherwood i le Talafaasolopito o le Ekalesia ma Utuofaamatalaga

Tagai i le FamilySearch mo Henry G. Sherwood