Mataupu Faavae ma Feagaiga Punaoa o Talafaasolopito: Erastus Snow Mataupu Faavae ma Feagaiga Punaoa o Talafaasolopito (2025)
Erastus Snow, Mataupu Faavae ma Feagaiga Punaoa o Talafaasolopito (2025)
Erastus Snow
(1818–88)
Erastus Snow, ca. 1870, atapue e Charles R. Savage, Potutusi o Talafaasolopito o le Ekalesia, PH 7189.
Na fanau Erastus Snow i St Johnsbury, Vermont, i le 1818. Ia Fepuari 1833, na papatisoina ai i Le Ekalesia a Iesu Keriso o le Au Paia o Aso e Gata Ai i Charleston, Vermont. I le 1834 i le 1835, na auauna atu ai i se misiona i Vermont, Niu Ioka ma New Hamphire. Ia Tesema 1835, na ia siitia atu ai i Katelani, Ohaio, o iina na faauuina ai o ia o se Fitugafulu ma sa ia te ia vaega i le Sosaiete o le Saogalemu i Katelani. I le 1836 i le 1837, na auauna atu ai i ni misiona i Pennsylvania, Ohaio, ma Maryland. Ina ua maea ona ia faatasi atu i le Au Paia o Aso e Gata Ai i Misuri, na ia faaipoipo ia Artimesia Beman ia Tesema i le 1838. I le va o le 1840 ma le 1843, na auauna atu ai Snow i ni misiona talai i Pennsylvania, New Jersey, ma Massachusetts. Mai le 1844, na ia faatasi atu ai i le Au Paia o Aso e Gata Ai i Navu, Ilinoi, o iina na avea ai o ia ma sui o le Aufono o le Limagafulu. I le 1847 na valaauina ai Snow i le faaaliga e faatulaga se vaega o paionia mo le savaliga i le Vanu o Sate Leki i le Teritori o Iuta (Mataupu Faavae ma Feagaiga 136:12). I le 1849 na faauuina ai o ia o se sui o le Korama a Aposetolo e Toasefululua. O le tausaga na sosoo ai, na ia faavaeina ai le misiona a le Ekalesia i Scandinavia. I le 1861, na ia maua ai St. George i le Teritori o Iuta.
Mau faasino i le Mataupu Faavae ma Feagaiga