Mataupu Faavae ma Feagaiga Punaoa o Talafaasolopito: Emma Hale Samita, Mataupu Faavae ma Feagaiga Punaoa o Talafaasolopito (2025)
Emma Hale Samita, Mataupu Faavae ma Feagaiga Punaoa o Talafaasolopito (2025)
Emma Hale Samita
(1804–79)
Emma Hale Samita, atapue, Potutusi o Talafaasolopito o le Ekalesia, PH 1700 545.
O Emma Hale Samita na fanau i le 1804 lea ua avea nei ma Harmony, Pennsylvania. Na ia faaipoipo ia Iosefa Samita i le 1827. Sa ia auauna atu o se tusiupu i le faaliliuina o le Tusi a Mamona i le 1828 ma le faaliliuga fou o le Tusi Paia i le 1830. Na papatiso o ia i Le Ekalesia a Iesu Keriso o le Au Paia o Aso e Gata Ai, e Oliva Kaotui ia Iuni i le 1830 ma faamauina mulimuli ane i le taumafanafana. Na ia siitia atu ma lona toalua ma isi o le Au Paia i Katelani, Ohio, i le 1831. I le 1835, na ia faatulagaina le tusi pese muamua a le Ekalesia, faataunuu ai le poloaiga na tuuina atu ia te ia i ni tausaga na muamua atu (Mataupu Faavae ma Feagaiga 25). Sa ia siitia atu ma le Au Paia i Misuri i le 1838 ona sosola ese atu lea mai sauaga i Misuri i le 1839, mulimuli ane nofoia Navu, Ilinoi. Sa tofia o ia o se peresitene muamua o le Sosaiete o Toomaga a Tamaitai o Navu, lea na latou lagolagoina galuega o le Malumalu o Navu, saunia tamaitai mo sauniga o le malumalu, ma tuuina atu avanoa mo aoaoga faaleagaga ma foai alofa, ia Mati 1842.
Ina ua maea le maliu faamaturo o Iosefa Samita ia Iuni 1844, na nofo ai lava Ema i Navu. Sa ia faaipoipo atu ia Lews C. Bidamon ia Tesema 1847 mulimuli ane faatasi ma le Ekalesia Toefaatulaga a Iesu Keriso o le Au Paia o Aso e Gata Ai, na taitaia e lana tama o Iosefa Samita lll.
Mau faasino i le Mataupu Faavae ma Feagaiga