Mataupu Faavae ma Feagaiga Punaoa o Talafaasolopito: Ioane Teila

Mataupu Faavae ma Feagaiga Punaoa o Talafaasolopito: Ioane Teila, Mataupu Faavae ma Feagaiga Punaoa o Talafaasolopito (2025)

Ioane Teila, Mataupu Faavae ma Feagaiga Punaoa o Talafaasolopito (2025)

Ioane Teila

(1808–87)

O Ioane Teila na fanau i Milnthorpe, England, i le 1808. E tusa o le 1832 na siitia atu ai Teila i York Township, i Upper Canada, o iina na faaipoipo ai ma Leonora Cannon i le 1833. Ia me 1836, na papatiso ai Teila i Le Ekalesia a Iesu Keriso o le Au Paia o Aso e Gata Ai ma faauuina o se toeaina. E lei leva lava, ae valaauina o ia e pulefaamalumalu i paranesi o le Ekalesia i Upper Canada. Ia Iulai 1838, na valaauina ai o ia i se faaaliga e faatumu le avanoa i le Koarama a Aposetolo e Toasefululua (Mataupu Faavae ma Feagaiga 118:6). Mai le 1839 i le 1841, na ia auauna atu ai i se misiona i Enelagi. Ona toe siitia atu lea o ia i Navu, Ilinoi, o iina na ia iloiloina ai le niusipepa a le Ekalesia o le Times and Season ma sa avea ma sui o le Aufono a le Limagafulu. Na i ai o ia i le taimi na faamaturoina ai Iosefa ma Ailama Samita i le Falepuipui o Karafasa ia Iuni 1844 (Mataupu Faavae ma Feagaiga 135:2). Ina ua maea na auauna atu i le isi misiona i Enelagi, na malaga atu loa Teila i le Vanu o Sate Leki i le 1847, i le Teritori o Iuta. Mai le 1849 i le 1852, na ia auauna atu ai i se misiona i Falani ma Siamani. I le 1854, na tofia o ia e pulefaamalumalu i paranesi i sasae o le Iunaite Setete. Ina ua ia toe foi mai i le Teritori o Iuta i le 1857, sa maua e Teila le tele o tofiga faalemalo e faaopoopo i le auauna atu o se Aposetolo Ina ua mavae le maliu o Polika Iaga i le 1877, na auauna atu o se Persitene lona tolu o le Ekalesia seia oo ina maliu i Kaysville, Teritori o Iuta i le 1887.

Mau faasino i le Mataupu Faavae ma Feagaiga

Mataupu Faavae ma Feagaiga 118, 124, 135, 138