Don Carlos Smith

(1816–41)

O se uso o Iosefa Samita le Itiiti., na fanau Don Carlos Smith i Norwich, Vermont, i le 1816. Ia Iuni 1830, na papatisoina ai o ia i Le Ekalesia a Iesu Keriso o le Au Paia o Aso e Gata Ai i Seneca Lake, Niu Ioka. Ia Aukuso na sosoo ai, na la malaga ai ma lona tama, Iosefa Samita le Matua., i se misiona i le aiga o lona tamamatua o Asael Samita i St Lawrence County, Niu Ioka. Ia Me 1831, na siitia atu ai Don Carlos i Katelani, Ohaio, o iina na ia faigaluega ai i le fale lomitusi o Katelani. Na ia faaipoipo atu ia Agnes Moulton Coolbrith i le 1835. O le tausaga na sosoo ai, na faauuina ai o ia o se faitaulaga sili, na tofia ai e peresitene i le korama a faitaulaga sili a Katelani, ma auauna atu i se misiona i Pennsylvania ma Niu Ioka. Na ia auauna atu i se misiona i Virginia, Pennsylvania, ma Ohio ma le isi i Kentucky ma Tennessee. I le 1839 o ia ma isi Au Paia o Aso e Gata Ai na tuliesea mai Misuri ma faamalosia le nonofo i Commerce, Ilinoi, lea na faaigoa mulimuli ane o Navu, o iina na peresitene ai Samita i faitaulaga sili. Mai le 1839 i le 1841, na ia fesoasoani ai e faasao ma lolomi le niusipepa a le Ekalesia Times and Seasons. Sa ia maua foi le tele o tulaga lautele i le aai. Na maliu o ia i Navu i le 1841.

Mau faasino i le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga Moni ma punavai, O Pepa a Iosefa Samita

Au Paia, vol. 1, O Le Tagavai o le Upumoni

O Don Carlos Smith i le Talafaasolopito o le Ekalesia ma Utuofaamatalaga

Tagai i le FamilySearch mo Don Carlos Smith