Punaoa o Talafaasolopito o le Mataupu Faavae ma Feagaiga: Sini Rikitone

Punaoa o Talafaasolopito o le Mataupu Faavae ma Feagaiga: Sini Rikitone, Punaoa o Talafaasolopito o le Mataupu Faavae ma Feagaiga (2025)

Sini Rikitone, Punaoa o Talafaasolopito o le Mataupu Faavae ma Feagaiga (2025)

Sini Rikitone

(1793–1876)

Na soifua a’e Sini Rikitone i St. Clair. Penisilevania, i le 1793. Sa ia faaipoipo atu i a Fipe Brooks i le 1820. O ia o se failauga faafouina Papatiso a o lei auai i le Ekalesia a Iesu Keriso o le Au Paia o Aso e Gata Ai i le Itumalo o Geauga, Ohaio, ia Novema 1830. Ona avea lea o ia ma tusiupu i a Iosefa Samita ma sa tofia e malaga ma ia i Misuri i le 1831 (Mataupu Faavae ma Feagaiga 52:3). I le 1832, sa tofia ai Rikitone o se tasi o fesoasoani i a Iosefa Samita ma sa tofi foi o se sui o le Kamupani Soofaatasi (Mataupu Faavae ma Feagaiga 82:11). I le 1833, o Rikitone ma Feterika G. Viliamu, o fesoasoani i a Iosefa Samita i le auperesitene o le perisitua maualuga, “na faatatau e tutusa” ma Iosefa Samita “i le umiaina o ki o lenei malo mulimuli” (Mataupu Faavae ma Feagaiga 90:6). Sa faafalepuipuiina faatasi Rikitone ma Iosefa Samita ma isi Aupaia o Aso e Gata Ai i le falepuipui i Liperate, Misuri, mai ia Tesema 1838 e oo i a Fepuari 1839, ina ua tatalaina o ia. I le 1839, sa la malaga ai ma Iosefa Samita i Uosigitone DC ina ia taumafai e maua se faasa’oga mai le malo feterale mo le sauaga na mafatia ai le Aupaia o Aso e Gata Ai i Misuri, ae e lei manuia lea taumafaiga. Na mulimuli ane faatasi atu Rikitone i le tino autu o le Aupaia i lo latou nofoaga fou i Navu, Ilinoi. I le mavae ai o le fasiotia o Iosefa Samita, na fai mai ai Rikitone ua ia te ia le aia e taitaia ai le Ekalesia. Mulimuli ane sa tapeina lona igoa i le 1844 ma amataina ai lana lava ekalesia i Pittsburg, Penisilevania.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 35, 36, 37, 40, 41, 42, 44, 49, 52, 53, 55, 58, 60, 61, 63, 70, 71, 73, 76, 78, 82, 90, 93, 100, 102, 103, 104, 111, 112, 115, 124