Wheeler Baldwin

(1793–1887)

Na soifua a’e Wheeler Baldwin i Niu Ioka. I le 1812 na faaipoipo ai i a Maria Porter, o le mae’a ai sa ia auauna ai i le Taua o le 1812. I le 1830, na siitia atu ai i Ohaio, lea, i a Ianuari 1831, na papatiso ai i le Ekalesia a Iesu Keriso o le Au Paia o Aso e Gata Ai. I a Iuni 1831 na faauuina ai o se toeaina sosoo ai ma se faitaulaga sili. O le masina lena sa tofia ai e ala i faaaliga e auauna atu i se misiona i Misuri (Mataupu Faavae ma Feagaiga 52:31), o le mae’a ai na siitia atu ai i le Itumalo o Siakisone, Misuri. Na ia auauna atu o se toeaina pulefaamalumalu i se paranesi iina i le 1832 ma auai atu i fonotaga a faitaulaga sili i le Itumalo o Siakisone i le 1832 ma le 1833. Na siitia atu Baldwin faatasi ma le Aupaia i le Itumalo o Lee, i le Teritori o Iowa, i le 1840 ma i le Itumalo o Pottawattamie, Iowa, i le 1850.

I le vaitau o le 1850, na auai ai Baldwin i le tele o isi ekalesia na faapea mai o ia i latou le laina o le faasologa mai le Perofeta o Iosefa Samita, mulimuli ane auai i le Ekalesia Toefaatulagaina a Iesu Keriso o le Aupaia o Aso e Gata Ai i le tautoulu o le 1859.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 52

Faamatalaga Faaopoopo

Talaaga moni ma punaoa, O Pepa a Iosefa Samita

Wheeler Baldwin i Faamaumauga o Talaaga i le Talafaasolopito o le Ekalesia

Tagai i le Wheeler Baldwin i le FamilySearch