Punaoa o Talafaasolopito o le Mataupu Faavae ma Feagaiga: Reynolds Cahoon, Punaoa o Talafaasolopito o le Mataupu Faavae ma Feagaiga (2025)
Reynolds Cahoon, Punaoa o Talafaasolopito o le Mataupu Faavae ma Feagaiga (2025)
Reynolds Cahoon
(1790–1861)
Reynolds Cahoon, a o lei oo i le 1861, togitogiga, Potutusi o le Talafaasolopito o le Ekalesia, PH 1700 1717.
Sa soifua a’e Reynolds Cahoon i Cambridge, Niu Ioka. Sa faaipoipo atu i a Thirza Stiles i le 1810. I le 1825, sa ia siitia atu ai lata atu i Katelani, Ohaio. Sa papatisoina o ia i le Ekalesia a Iesu Keriso o le Au Paia o Aso e Gata Ai i e 1830 ma sa faauuina o se toeaina ma se faitaulaga sili ia Iuni 1831. I le lua aso mulimuli ane, sa tofia ai o ia e ala mai faaaliga e auauna atu i se misiona i Misuri (Mataupu Faavae ma Feagaiga 52:30). Sa la toe malaga atu i Katelani faatasi ma Iosefa Samita ina ua uma ona faapaiaina e le perofeta ia Initipene Misuri, mo le faatuina o Siona (tagai i le Mataupu Faavae ma Feagaiga 61:35). “Sa avea o ia o se fesoasoani i a Epikopo Neueli K. Whitney i Katelani e amata i le 1832. O le tausaga na sosoo ai, sa tofia ai e auauna atu i se misiona i Warsaw, Niu Ioka.
I le toefoi atu ai i Katelani, na fesoasoani ai Cahoon i le vaaia o le fausiaina o le Malumalu o Katelani (Mataupu Faavae ma Feagaiga 94:13–15), tausia ni oloa i le Sosaiete o le Saogalemu o Katelani, ma sa auauna atu i le au peresitene o le siteki a Katelani. I le 1838, sa ia siitia atu ai i Misuri, lea sa avea ai ma fesoasoani ai i le au peresitene o le siteki a Atamu-oni-Amani.
Sa sosola ese Cahoon ma le Aupaia mai Misuri, ma oo ai ina siitia atu i Navu, Ilinoi, lea sa tautua ai i le komiti o le fausia o le Malumalu o Navu ma sa talia ai i le Aufono a le Toalimasefulu Sa malaga atu i le Vanu o Sate Leki i le Teritori o Iuta i le 1848.
Mau faasino i totonu o le Mataupu Faavae ma Feagaiga