Mataupu Faavae ma Feagaiga Punaoa o Talafaasolopito: Charles C. Rich, Mataupu Faavae ma Feagaiga Punaoa o Talafaasolopito (2025)
Charles C. Rich, Mataupu Faavae ma Feagaiga Punaoa o Talafaasolopito (2025)
Charles C. Rich
(1809–83)
Charles C. Rich, ca. 1870, atapue e Charles R. Savage, Potutusi o Talafaasolopito o le Ekalesia, PH 7189.
O Charles C. Rich na fanau i le Itumalo o Campbell, Kentucky. Na papatisoina o ia i Le Ekalesia a Iesu Keriso o le Au Paia o Aso e Gata Ai ia Aperila 1832 ma faauuina o se toeaina i le masina na sosoo ai. Sa auai o ia i le malaga a le Tolauapiga a Isaraelu i Misuri i le 1834. I le tausaga na sosoo ai, na ia auauna atu i se misiona i Ilinoi, ma sa faauuina o se faitaulaga sili, ma avea ai ma peresitene o le korama a faitaulaga sili i Misuri. Na ia faaipoipo atu ia Sarah DeArmon Pea i le 1838. I le 1839 na ia siitia atu ai i Commerce, Ilinoi, lea na mulimuli ane toe faaigoa Navu, o iina na tofia ai o ia o se sui o le aufono maualuga a le siteki a Navu. Mulimuli ane na galue i le au peresitene a le siteki a Navu faapea foi isi tofiga e tele faalenuu. I le 1842–44 na ia auauna atu i se misiona i Ilinoi ma Michigan ma alu atu ai loa i le Aufono a le Toalimagafulu. I le tausaga na sosoo ai, na filifilia ai loa o ia o se tausi mavaega o le taulaga o Navu. I le 1846, na auauna atu ai Rich o se toeaina pulefaamalumalu i Mount Pisgah, o le Teritori o Aioua. Na malaga atu o ia i le Vanu o Sate Leki, i Teritori o Iuta, i le 1847 ma na faauuina ai o se sui o le Korama Aposetolo e Toasefulu Lua e Polika Iaga i le 1849. Na mulimuli ane auauna atu i le tele o misiona ma galue i le komiti mo le malumalu o Logan, i le Teritori o Iuta.
Mau faasino i le Mataupu Faavae ma Feagaiga