Punaoa o Talafaasolopito o le Mataupu Faavae ma Feagaiga: Tomasi B. Marsh, Punaoa o Talafaasolopito o le Mataupu Faavae ma Feagaiga (2025)
Tomasi B. Marsh, Punaoa o Talafaasolopito o le Mataupu Faavae ma Feagaiga (2025)
Tomasi B. Marsh
(1800–66)
Tomasi B. Marsh, ata, Potutusi o Talafaasolopito o le Ekalesia, MS 12377.
Na soifua a’e Tomasi B. Marsh i Acton, Massachusetts. I le 1820 sa ia faaipoipo atu i a Elisapeta Godkin. Na siitia atu o ia ma lona aiga i Palamaira, Niu Ioka, i a Setema o le 1830, ina ua ia papatiso i le Ekalesia a Iesu Keriso o le Au Paia o Aso e Gata Ai ma faauuina ai o se toeaina. I le 1831 na latou siitia atu ai ma le Au Paia i Katelani, Ohaio, lea na faauuina ai o ia o se faitaulaga sili. I le mavae ai ona valaauina e ala i faaaliga (Mataupu Faavae ma Feagaiga 52:22; 56:5;75:31), na mulimuli ane auauna atu i ni misiona i Misuri ma sasae o le Iunaite Setete. Na siitia atu ma lona aiga i Misuri i le 1832. I le 1834 na tofia ai Marsh i le aufono maualuga a Siona i le Itumalo o Clay, Misuri. O le tausaga na sosoo ai, na faauuina ai o ia o le sui o le Korama a Aposetolo e Toasefululua ma sa lagolagoina ai o le peresitene o lena korama.
Ina ua lolomiina le Mataupu Faavae ma Feagaiga i le 1835, na faaopoopo atu ai molimau a Marsh ma isi sui o le Korama o le Toasefululua e faapea o le tusi sa “aumaia e ala mai musumusuga a le Atua” (Faatomuaga o le Mataupu Faavae ma Feagaiga). O faaaliga e lua i totonu o le tusi sa faasino faapitoa lava i a Marsh, na fautuaina patino ai o ia ma o se peresitene o le Korama o le Toasefululua (Mataupu Faavae ma Feagaiga 31; 112).
Sa aluese mai Marsh mai le Ekalesia i le 1838 ma sa tapeina lona igoa i le 1839. I le 1857, na toe papatisoina ai o ia ma malaga atu ai i le Teritori o Iuta.
Mau faasino i totonu o le Mataupu Faavae ma Feagaiga