Punaoa o Talafaasolopito o le Mataupu Faavae ma Feagaiga: Pale P. Palate, Punaoa o Talafaasolopito o le Mataupu Faavae ma Feagaiga (2025)
Pale P. Palate, Punaoa o Talafaasolopito o le Mataupu Faavae ma Feagaiga (2025)
Pale P. Palate
(1807–57)
Pale Paka Palate, tusa. 1850 - 1857, ata faapitoa, Potutusi o Talafaasolopito o le Ekalesia, PH 100.
Sa soifua a’e Pale P. Palate i Burlington, Niu Ioka. Sa ia faaipoipo atu i a Faafetai Halasei i le 1827. Sa papatisoina o ia i Le Ekalesia a Iesu Keriso o le Au Paia o Aso e Gata Ai ia Setema 1830 ma sa faauuina o se toeaina i le aso lava e tasi. I le 30 tausaga na mulimuli mai, sa ia auauna atu ai i ni misiona se tele i le Iunaite Setete, Kanata, Egelani, ma Chile (tagai i le Mataupu Faavae ma Feagaiga 50:37; 52:26.) I le 1830, sa o latou papatisoina ai ma isi faifeautalai le tusa ma le 130 tagata i Katelani, Ohaio, a o iai i se misiona i Sa Lamana (Tagata Moni o Amerika) (tagai i le Mataupu Faavae ma Feagaiga 32). A o auauna ai i se misiona i Egelani i le 1840, sa avea ai o ia ma ulua’i faatonu o le nusipepa o le Fetu Meleniuma a le Aupaia o Aso e Gata Ai. Sa ia pulefaamalumalu i le Misiona a Peretania i le 1841–1842).
I le vaitau o le 1830, sa nonofo faatasi ai Palate ma le Aupaia i Katelani ma i Misuri. I le 1834, sa ia auai ai i le faigamalaga a le Tolauapiga a Isaraelu i Misuri (Mataupu Faavae ma Feagaiga 103). Sa faauuina o ia o se sui auai o le Korama a Aposetolo e Toasefululua i le 1835. Ina ua mavae le maliu o lona faletua muamua, sa faaipoipo atu ia Maria Ana Frost Stearns i le 1837. I le taimi o le sauaga i Misuri, sa faafalepuipuiina ai o ia i falepuipui se lua i Misuri i le 1838–1839. E amata i le 1843, sa nofo ai i Navu, Ilinoi.
Sa malaga atu Palate ma le Aupaia i Iuta i le 1847. Sa fasiotia o ia a o auauna atu i lana misiona i Arkansas.
Mau faasino i totonu o le Mataupu Faavae ma Feagaiga