Sataraka Roundy

(1789–1872)

Sataraka Roundy, ata pu’e

Na soifua a’e Sataraka Roundy i Rockingham, Vermont, i le 1789. Sa faaipoipo atu o ia i a Betsy Quimby i le 1814. I a Ianuari 1831, na papatisoina ai Roundy i Le Ekalesia a Iesu Keriso o Aso e Gata Ai i Katelani, Ohaio. O le masina o Me na sosoo ai, na faauuina ai o ia o se toeaina. Na mulimuli ane avea ma sui o le Fitugafulu. I le mavae o se taimi puupuu na aumau ai i Sisifo Mamao, Misuri, ma Uosa, Ilinoi, na siitia atu ai Roundy i Navu, Ilinoi, i le 1840. O le tausaga na sosoo ai, na valaauina ai e ala mai i se faaaliga ia Roundy, Vinson Knight, ma Samuelu Samita e “pule faamalumalu i luga o le au epikopo” (Mataupu Faavae ma Feagaiga 124:141). O ia foi o se tasi o le Aufono a le Toalimasefulu. Sa ia auauna atu mulimuli ane o se epikopo i Winter Quarters, lea ua avea nei o Nebraska. I le 1847 sa ia malaga atu ai i le Vanu o Sate Leki, i le Teritori o Iuta. Mai le 1849 i le 1856, sa auauna atu ai o ia o se epikopo o le Uarota Lona Sefuluono i le Aai o Sate Leki.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga moni ma punaoa, O Pepa a Iosefa Samita

Sataraka Roundy i Faamaumauga o Talaaga i le Talafaasolopito o le Ekalesia

Tagai i le Sataraka Roundy i le FamilySearch