Mataupu Faavae ma Feagaiga Punaoa o Talafaasolopito: Isaako Galland, Mataupu Faavae ma Feagaiga Punaoa o Talafaasolopito (2025)
Isaako Galland, Mataupu Faavae ma Feagaiga Punaoa o Talafaasolopito (2025)
Isaako Galland
(1791–1858)
Isaako Galland, ao lei oo i le 1858, atapue, Potutusi o le Talafaasolopito o le Ekalesia, PH 1700 2639.
O Isaako Galland na fanau i le Itumalo o Somerset, Pennsylvania. Na ia faaipoipo ia Nancy Harris i le 1811 ae na ia toe faaipoipo ia Margaret Knight i le 1816 on sosoo ai lea ma Hannah Kinney i le 1826, ma faaipoipo mulimuli ane ia Elisapeta Wilcox i le 1833. I le 1837 na ia toe mamanuina le taulaga masani o Keokuk, Teritori o Wisconsin (mulimuli ane ua i le Teritori o Aioua. I le taumalulu o le 1838–1839, na ia siitia atu i Commerce, Ilinoi, lea na toe faaigoa mulimuli ane o Navu. Ao ia nofo ai i iina, na ia faatauina fanua i le vaega o Tagata Toto Lua i le Itumalo o Lee, Teritori o Aioua. I le 1839, na ia faatauina atu se vaega o le sefuluiva afe eka o ona fanua i le O le Ekalesia a Iesu Keriso o le Au Paia o Aso e Gata Ai. Sa ia faatauina atu foi ona fanua i Commerce i le Ekalesia. O Galland na papatiso i le Ekalesia ma faauuina o se toeaina e Iosefa Samita ia Iulai 1839. Ia Ianuari 1841, o se faaaliga na faatonuina ai Galland e fesoasoani e faatau mai oloa e lagolago ai le fauina o le Fale o Navu (Mataupu Faavae ma Feagaiga 124:78–79). I le tusa o le 1842, o Galland, sa tu atu o se sui faatagaina mo le Ekalesia, e fesoasoani e faamautu le faatauina o fanua e aoga i le Au Paia o Aso e Gata Ai o malaga mai i Navu mai le Iunaite Setete i sasae. Na ia faasee ese mai gaoioiga a le Ekalesia i le tusa o le 1842.
Mau faasino i le Mataupu Faavae ma Feagaiga