Punaoa o Talafaasolopito o le Mataupu Faavae ma Feagaiga: Neueli K. Whitney, Mataupu Faavae ma Feagaiga Punaoa o Talafaasolopito (2025)
Neueli K. Whitney, Punaoa o Talafaasolopito o le Mataupu Faavae ma Feagaiga (2025)
Neueli K. Whitney
(1795–1850)
Neueli K. Whitney, 1884, togitogiga saunia e H.B.Hall ma Atalii, faatatau i se tusiga saunia e Danquart A. Weggeland o le valivaliga a Viliamu W. Major, Potutusi o Talafaasolopito o le Ekalesia, PH 2592.
Sa soifua a’e Neueli K. Whitney i Marlborough, Vermont. Sa ia faaipoipo atu i a Elisapeta Ana Samita i le 1822 ma sa papatisoina i le Ekalesia a Iesu Keriso o le Au Paia o Aso e Gata Ai i a Novema 1830. O le tausaga na sosoo ai sa faauuina ai o ia o se faitaulaga sili ma filifilia ai o se epikopo i Katelani, Ohaio (Mataupu Faavae ma Feagaiga 72: 7– 8). Sa mulimuli ane malaga faatasi ma Iosefa Samita i Misuri (tagat i le Mataupu Faavae ma Feagaiga 78:9) ma sosoo ai ma le Aai o Niu Ioka, Albany, ma Boston (Mataupu Faavae ma Feagaiga 84: 114).
Sa avea Whitney ma sui auai o le Kamupani Tuufaatasi i le 1832 (Mataupu Faavae ma Feagaiga 82:11)). E ala mai i faaaliga i a Iosefa Samita, sa faatonuina o ia e faagaoioia se faleoloa mo le manuia o le Au Paia (Mataupu Faavae ma Feagaiga 63:42; 72:9–10; 104: 39–41). Sa ia auai i fonotaga faatulaga a le Aoga a Perofeta i Katelani i a Ianuari 1833. Sa faatauina foi e Whitney le faatoaga a Pita Farani, lea na mulimuli ane fausia ai le malumalu o Katelani. I le 1838, o le faaaliga na faatonuina ai Whitney na te tuua Katelani (Mataupu Faavae ma Feagaiga 117:1), ma na latou siitia atu ai ma lona aiga i Commerce (mulimuli ane Navu), Ilinoi, lea na filifilia ai o ia o se epikopo i le 1839. Sa taliaina o ia i le Aufono a le Toalimasefulu i a Mati 1844.
Ina ua mavae le maliu o Iosefa Samita, na tofia ai Whitney o le tausimea faamaoni mo le Ekalesia. Mulimuli ane i le 1844 sa tofia ai o ia o le “epikopo muamua” o le Ekalesia. Sa malaga atu o ia faatasi ma le Aupaia o Aso e Gata Ai i le Vanu o Sate Leki i le 1848, lea, i le tausaga na sosoo ai, na toe filifilia ai foi o se epikopo.
Mau faasino i totonu o le Mataupu Faavae ma Feagaiga
Mataupu Faavae ma Feagaiga 63, 64, 72, 78, 82, 84, 93, 96, 104, 117