Mataupu Faavae ma Feagaiga Punaoa o Talafaasolopito: Eteuati Paterika Mataupu Faavae ma Feagaiga Punaoa o Talafaasolopito (2025)
Eteuati Paterika, Mataupu Faavae ma Feagaiga Punaoa o Talafaasolopito (2025)
Eteuati Paterika
(1793–1840)
Eteuati Paterika, 1884, ata ta e H.B. Hall and Sons, Potutusi o Talafaasolopito o le Ekalesia, PH 729.
Na soifua mai Eteuati Paterika i Pittsfield, Massachusetts. Na faaipoipo o ia ia Lydia Clisbee i le 1819. Na papatisoina Paterika e Iosefa Samita ia Tesema 1830 ma na faauuina o se toeaina e Sini Rikitone i le fa aso na sosoo ai. Ia Fepuari 1831, i Katelani, Ohio, na tofia ai Paterika o se epikopo muamua i le Ekalesia a Iesu Keriso o le Au Paia o Aso e Gata Ai ma tuuina atu i ai le tiutetauave o le tuuina atu o le tulafono o le faapaiaga i totonu o le Au Paia (Mataupu Faavae ma Feagaiga 41; 42:30–36; 51). Sa faaauau pea ona auauna atu o se epikopo seia oo i lona maliu.
I le taumafanafana o le 1831, na malaga atu ai Paterika ma Iosefa Samita i le Itumalo o Siakisone, Misuri, o iina na ia fesoasoani e vaaia le vaega e faamautu mai i ai le Au Paia faimalaga mai i le faatauina ma faatautaia le tausiga o fanua. Ia Aperila 1832, na tofia ai o ia o se sui o le Faatulagaga Soofaatasi Ina ua amata e tagata leaga sauaga e faasaga i le Au Paia i Misuri ia Iulai 1833, na valita ma faafulumoa o ia. Faatasi ai ma lona aiga, na sosola mai le Itumalo o Siakisone i le Itumalo o Clay, Misuri, ma mulimuli ane o lea ua ave nei ma Itumalo o Caldwell, Misuri. Sa ia auauna atu foi o se faifeautalai i le 1835 i Misuri, Ilinoi, Indiana, ma Ohio ona sosoo lea i Niu Ioka ma Egelani Fou. I le tautoulu o le 1838, na faafalepuipuiina ai o ia i le falepuipui o Richmond, Misuri. I le 1839, na tuliese mai o ia mai Misuri ma le Au Paia uma ma siitia atu i Commerce, Ilinoi, lea na toe faaigoa o Navu.
Mau faasinoi le Mataupu Faavae ma Feagaiga
Mataupu Faavae ma Feagaiga 35, 36, 41, 42, 50, 51, 52, 57, 58, 60, 64, 82, 115, 124