Punaoa o Talafaasolopito o le Mataupu Faavae ma Feagaiga: Oliva Kaotui Punaoa o Talafaasolopito o le Mataupu Faavae ma Feagaiga (2025)
Oliva Kaotui, Punaoa o Talafaasolopito o le Mataupu Faavae ma Feagaiga (2025)
Oliva Kaotui
(1806–50)
Oliva Kaotui, tusa o le 1845, ata i le kopa, kopi saunia e le falepueata Coe, 1883, Potutusi o lle Talafaasolopito o le Ekalesia, PH 1700 3773.
Na soifua a’e Oliva Kaotui i Wells, Veremona, i le 1806. Sa galue o ia o se puleaoga i Manaseta, Niu Ioka, i le taimi na ia feiloai atu ai i le aiga o le au Samita. I le 1829, sa ia amata fesoasoani ai i a Iosefa Samita i le faaliliuga o le Tusi a Mamona i Haramoni, Penisilevania, ma o se tagata na faatatau iai nisi faaaliga i lena taimi (Mataupu Faavae ma Feagaiga 6–9). I le faagasologa o le faaliliuga, sa papatisoina ai Kaotui ma mauaina le pule o le perisitua (Mataupu Faavae ma Feagaiga 13), ma mulimuli ane ai i lena lava tausaga sa avea ai ma se tasi o Molimau e Toatolu o le Tusi a Mamona (Mataupu Faavae ma Feagaiga 17). Sa iai o ia ina ua faatulagaina aloaia Le Ekalesia a Iesu Keriso o le Au Paia o Aso e Gata Ai i le aso 6 o Aperila 1830. O nisi uluai faaaliga sa tuusa’o atoa mai pe i ni vaega foi ia Kaotui (Mataupu Faavae ma Feagaiga 18; 23:1–2; 24; 26). I a Setema 1830, na valaauina ai o ia e ala i faaaliga e “alu atu i Sa Lamana [Tagata Moni Amerika] ma talai atu la’u talalelei ia te i latou” (Mataupu Faavae ma Feagaiga 28:8; tagai foi i le Mataupu Faavae ma Feagaiga 32). I le tausisia ai o lenei faaaliga, i le vaitaimi o le taumalulu o le 1830–1831, sa taitaia ai e Kaotui se vaega o faifeautalai i le mea ua ta’ua nei o Kansas. Mo le lata i le lua tausaga sa ia nofo ai i le Itumalo o Siakisone, Misuri, lea sa ia fesoasoani ai e vaavaaia le faagaoioiga o le falelomitusi o le Ekalesia (Mataupu Faavae ma Feagaiga 57:13; tagai foi i le vaega e 69). I a Tesema 1832, sa ia faaipoipo atu ai i a Elisapeta Ana Uitimera, o le afafine o Pita Uitimera le Matua ma Maria Musselman Uitimera. I a Setema 1833, sa la siitia atu ai i Katelani, Ohaio, lea na tofia ai Kaotui o le fesoasoani o le peresitene o le Ekalesia, na auauna atu i le aufono maualuga a Katelani (Mataupu Faavae ma Feagaiga 102:3), ma fesoasoani e faatonutonu le tele o faiga faavaitaimi a le Ekalesia. Sa siitia atu ma lona aiga i Sisifo Mamao, Misuri, i le 1837, ae sa faateaina ma tape lona igoa i le tausaga na sosoo ai. I le 1848, sa talosagaina ai e Kaotui ma maua lona toe taliaina i le Ekalesia i Kanesavile, Iowa.
Mau faasino i totonu o le Mataupu Faavae ma Feagaiga
Mataupu Faavae ma Feagaiga 6, 7, 8, 9, 13, 17, 18, 20, 21, 23, 24, 25, 26, 27, 28, 30, 32, 35, 37, 47, 52, 53, 55, 57, 58, 60, 61, 66, 68, 69, 70, 102, 104, 106, 110, 111, 124