Samuelu Bent

(1778–1846)

Sa soifua a’e Samuelu Bent i Barre, i Massachusetts. Sa faaipoipo atu i a Maria Kilburn i le 1805. I le 1833 sa papatiso ai i le Ekalesia a Iesu Keriso o le Au Paia o Aso e Gata Ai, sa faauuina o se toeaina, ma auauna atu i se misiona i le Teritori o Michigan. Sa ia auai i le malaga a le Tolauapiga a Isaraelu i Misuri i le 1834 ma sa auai i le potopotoga paia i le Malumalu o Katelani i le 1836. Mulimuli ane i le tausaga lena, sa siitia atu ai i Misuri, lea, i le 1837, sa toe faaipoipo atu ai i a Letisi Pama. I a Aukuso 1837, sa auauna atu ai i le aufono maualuga a Sisifo Mamao. I a Oketopa 1839, na siitia atu ai i Komesi, Ilinoi, lea sa toefaaigoa mulimuli ane o Navu. O iina sa tofia ai o ia o se sui o le aufono maualuga a Navu (tagai i le Mataupu Faavae ma Feagaiga 124:132). Sa tofia o ia i le 1840 e auauna i se misiona i Ilinoi, Initiana, ma Ohaio e aoina mai tupe e totogi ai aitalafu a le Ekalesia ma le lomiga o tusi. I le 1844, sa taliaina ai Bent i le Aufono a le Toalimasefulu ma auauna atu i se misiona i Ilinoi, Michigan, ma Initiana. Ina ua uma ona tuua Navu i le 1846, sa pulefaamalumalu ai i le paranesi o le Ekalesia i Garden Grove, i le Teritori o Iowa.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 124

Faamatalaga Faaopoopo

Talaaga moni ma punaoa, O Pepa a Iosefa Samita

Samuelu Bent i Faamaumauga o Talaaga i le Talafaasolopito o le Ekalesia

Tagai i le Samuelu Bent i le FamilySearch