Mataupu Faavae ma Feagaiga Punaoa o Talafaasolopito: Levi Hancock Mataupu Faavae ma Feagaiga Punaoa o Talafaasolopito (2025)
Levi Hancock, Mataupu Faavae ma Feagaiga Punaoa o Talafaasolopito (2025)
Levi Hancock
(1803–82)
Levi Hancock, ca. 1860–1866, atapue e Edward Martin, Faletusi o Talafaasolopito o le Ekalesia PH 5962.
O Levi Hancock na fanau i Springfield, Massachusetts. Na papatiso o ia i le O Le Ekalesia a Iesu Keriso o le Au Paia o Aso e Gata Ai i Katelani, Ohio, ia Novema 1830 ma faaipoipo ai ia Clarissa Reed ia Mati na sosoo ai. Na ia auauna atu i se misiona i Misuri i le taumafanafana o le 1831 ina ua maea ona valauina i se faaaliga e faia ai (tagai i le Mataupu Faavae ma Feagaiga 52:29), ma tofia o ia e auauna atu i Misuri, Ohio, ma Virginia ia Ianuari 1832. Na auai atu Hancock i le fonotaga a faalapotopotoga a le Aoga a Perofeta, sa faia i Katelani ia Ianuari 1833. O le tausaga na sosoo ai sa auai o ia le malaga a le Tolauapiga a Isaraelu i Misuri. Na faauuina o ia o se Fitugafulu ia Fepuari 1835 ma na tofia ai o se Peresitene o Fitugafulu i se taimi e lei umi muliimuli ane. I le 1838 na ia siitia atu ai i Misuri; ia Ianuari 1839 na avea o ia ma vaega o le komiti i Sisifo Mamao, Misuri, lea na galue e vaavaaia le aveesea mai o le Au Paia o Aso e Gata Ai mai Misuri. Na ia siitia atu i Commerce, Ilinoi, le na mulimuli ane toe faaigoa Navu, i le 1839. I le 1846–1847, na auauna atu ai Hancock i le Autau a Mamona, na pau lea o le Pulega Aoao i le savaliga. Na ia taunuu atu i le Vanu o Sate Leki, le Teritori o Iuta, i le 1847.
Mau faasino i le Mataupu Faavae ma Feagaiga