Punaoa o Talafaasolopito o le Mataupu Faavae ma Feagaiga: Viliamu Samita, Punaoa o Talafaasolopito o le Mataupu Faavae ma Feagaiga (2025)
Viliamu Samita, Punaoa o Talafaasolopito o le Mataupu Faavae ma Feagaiga (2025)
Viliamu Samita
(1811–93)
Viliamu Samita, pe tusa o le 1862, ata pu’e, Potutusi o Talafaasolopito o le Ekalesia, PH 1706.
O le uso laitiiti o Iosefa Samita le Itiiti., Sa soifua a’e Viliamu Samita i Royalton, Veremona. Sa papatisoina o ia i Le Ekalesia a Iesu Keriso o le Au Paia o Aso e Gata Ai i le 1830 ma sa faauuina o se aoao mulimuli ane i le tausaga lena. Na siitia atu i Katelani, Ohaio, i le 1831. Sa faauuina o se toeaina i le 1832 ma sa auauna atu i se misiona i Penisilevania. I le 1833 na auai ai i le Aoga a Perofeta, faaipoipo atu i a Karolaine Grant, ma faauuina ai o se faitaulaga sili. Na auai o ia i le malaga a le Tolauapiga a Isaraelu i Misuri i le 1834 ma sa faauuina o se sui o le Korama a Aposetolo e Toasefululua i le 1835. O le tolu tausaga mulimuli ane,na siitia atu ai o ia i Misuri. Na taofia lona auai i a Me 1839 ae na toe fuatai i le Korama a Aposetolo e Toasefululua,i le masina lava lena. I le tau amataga o le 1840, i Navu, Ilinoi, sa faatonu ai i le nusipepa a le aai Wasp, sa umia tulaga ofisa o le alalafaga, ma sa avea ma sui o le Aufono a le Toalimasefulu. I le 1845, na maliu ai lona faletua, na faauuina o le Peteriaka o le Ekalesia, na faaipoipo i a Maria Sieni Rollins, ma sa tapeina lona igoa mai le Ekalesia. Mulimuli ane, na faifaimea faatasi ai ma ekalesia eseese ia na vavae ese mai le Ekalesia.
Mau faasino i totonu o le Mataupu Faavae ma Feagaiga