Simeona Kata

(1794–1869)

Simeona Kata, ata o ata vali, Falemataaga o Box Elder.

Na soifua a’e Simeona Kata i Killingworth, Connecticut, i le 1794. Sa faaipoipo atu i a Litia Kenyon i Penisona, Veremona, i le 1818. Sa papatisoina Kata i le Ekalesia a Iesu Keriso o le Au Paia o Aso e Gata Ai i a Fepuari 1831. O le masina o Iuni na sosoo ai, sa faauuina ai o ia o se faitaulaga sili ma valaauina ai e ala i faaaliga e malaga ma Solomona Hancock i se misiona i Misuri (Mataupu Faavae ma Feagaiga 52:27). I le 1832, na faatonuina ai Kata e ala mai i se` faaaliga e talai atu faatasi ma Emeri Harisi (Mataupu Faavae ma Feagaiga 75: 30). O le tausaga na sosoo ai, na pulefaamalumalu ai Kata i le paranesi i Vaitafe Tele Lanumoana i le Itumalo o Siakisone, Misuri. Na tofia o ia e avea ma sui o le aufono maualuga i le Itumalo o Clay, Misuri, i le 1834, ma faaauau ai i lena tulaga i le Itumalo o Caldwell, Misuri. I le mae’a ai ona tutuli ese mai Misuri faatasi ai ma isi Aupaia o Aso e Gata Ai i le 1838, na nofo ai loa Kata i le Itumalo o Lee, i le Teritori o Iowa, i le 1840. Sa auauna atu i se misiona i Egelani i le va o le 1846 ma le 1849, o le mae’a ai ona malaga atu ai lea i le Vanu o Sate Leki i le Teritori o Iuta.

Mau faasino i totonu o le Mataupu Faavae ma Feagaiga

Mataupu Faavae ma Feagaiga 52, 75

Faamatalaga Faaopoopo

Talaaga moni ma punaoa, O Pepa a Iosefa Samita

Simeona Kata i Faamaumauga o Talaaga i le Talafaasolopito o le Ekalesia

Tagai i le Simeona Kata i le FamilySearch